Home Salud Entrante Augustus ImSan ta bay tin den servicio e di 5 docter...

Entrante Augustus ImSan ta bay tin den servicio e di 5 docter di wowo

1685
0
SHARE
- Advertisement -

Dr. Joel Rajnherc a anuncia

*Awor mayoria di tratamento ta wordo haci na Aruba mes

ORANJESTAD (AAN): Director di Instituto Medico San Nicolas (ImSan), Dr, Joel Rajnherc a anuncia algun solucion cu nan kier a crea pa loke ta e problematica cu tin di policlinic di wowo.

El a bisa cu den cuadro di e pandemia cu a haci cu mester adapta pa por sigui brinda e servicio na pashentnan.

Door di Covid-19, mester a haci algun cambio den e proceduranan pa por atende e mesun cantidad di pashent. Durante un periodo basta grandi, ImSan no por a atende pashent y esey a haci cu a bin un extra wachtlijst di pashent.

A sinta pa wak con por a bin cu un solucion pa atende e maximo di pashent pa yuda tur hende cu ta posibel.

Dr. Rajnherc a bisa cu no ta ideal y no ta manera nan lo kier, pero tin cu ahusta na e situacion. Di e manera aki el a introduci nan Cluster Manager Ruthmila Croes kende a splica ki medidanan ImSan a tuma pa yuda mas tanto pashent posibel.

E director di ImSan a probecha pa bisa cu ta drentando den un situacion mas ‘luho’ di loke tabata antes.

A yega e momento aworaki unda Aruba tin 5 specialista di wowo. Un cu ta Dr. Jacobs cu ta traha priva y tin 4 specialista di wowo cu ta traha den servicio di ImSan. Ta trata di Dr. Zulaima Lacle, Dr. Guinand, Dr. Moreno cu ta un specialista di retina y Dr. Garces cu ta un specialista di glaucoma.

Dr. Rajnherc a laga sa cu e pashentnan cu mester di operacion di retina no tin cu bay Colombia mas ya cu nan ta wordo trata akinan na Aruba. E aña aki a haci mas cu 50 operacion.

El a agrega cu e pashentnan cu tabata wordo referi di glaucoma no tin cu wordo manda afo mas ya cu nan tambe ta haya tratamento na Aruba.

Ta bezig cu un programa di cornea cu Dr. Guinand y Dr. Lacle ta bay ‘setup’ specialmente pa e operacionnan mas dificil tambe por keda aki na Aruba.

Entrante 1 di Augustus, director di ImSan a anuncia cu nan ta bay tin un di 5 docter di wowo den servicio, Dr. Vanessa Wolter, un yiu di tera cu tambe join e team di ImSan.

 

    

- Advertisement -

DUNA COMENTARIO

Please enter your comment!
Please enter your name here