Home General Edificio cu peligro di asbesto bashando abao na Dakota

Edificio cu peligro di asbesto bashando abao na Dakota

246
0
SHARE
- Advertisement -

ORANJESTAD (AAN): Hopi biaha ta sali den prensa, con autoridad na Aruba ta tuma e peligro di asbesto cu hopi seriedad.  Den pasado hasta full un scol a wordo cera pa algun dia ora cu trabao di kitamento di asbesto a socede den un bario.

   Sinembargo por mira e situacion aki na Dakota, unda un edificio cu antes tabata wordo usa pa deposito y mas, a deteriora di tal extremo cu awor el a cuminza basha abao den otro.  Cualkier momento e resto cu a keda tambe por basha bin abao.

   Loke ta haci e caso aki mas peligroso, ta cu riba dje tin dak di asbesto.  Y rond di e edificio aki tin varios hende ta biba den e.o. Apartamento chikito.

   Lo ta bon pa Departamentonan concerni, pa cuida e salubridad di habitantenan, pa bay check e situacion di e edificio y e asbesto aki, pa mira con ta resolve e asunto di asbesto cu ta un peligro keto bay pa humanidad.

   Fibranan casi invisible di asbesto por drenta bo pulmon, ta keda pega eyden y asina ta forma e cancer yama mesothelioma.

- Advertisement -

DUNA COMENTARIO

Please enter your comment!
Please enter your name here