Home General E teoria di Sneek y e appel cu a pone hende perde...

E teoria di Sneek y e appel cu a pone hende perde paraiso

191
0
SHARE
- Advertisement -

CDA a autorisa Sneek pa papia na nomber di Knops?

*Sneek por splica pakico Hulanda a exigi Aruba tuma medida?

*Kende tabata Prome Ministro ora Hulanda a bati na porta?

ORANJESTAD(AAN)–Prome cu el a subi avion pa bay defende autonomia di Aruba, Prome Ministro Wever-Croes a demostra kico ta nifica un pais cu un gobernacion democratico.

Si pa firma e acuerdo di Citgo, e partido di Marlon Sneek a trapa cu dos pia riba democracia ora ni Parlamento por a mira e acuerdo di fantasia, den e caso aki Prome Ministro Wever-Croes a duna prueba cu e mester informa Aruba prome cu e enfrenta Hulanda.

Ta tristo cu mientras e impresion a wordo duna cu ni gremionan ni partidonan politico (incluso esun di Sneek) tabata di acuerdo cu e forma cu Hulanda kier destrui Statuut, Sneek a bini dilanti pa acusa Prome Ministro Wever-Croes di a causa e problema actual cu Hulanda pasobra ainda den Parlamento no a acepta e areglo pa supervision Hulandes.

Mientras ayera henter Aruba tabata uni den e buskeda di un situacion hopi doloroso di e pais, e teoria di Sneek cu a hustifica loke gobierno Hulandes a haci, a cay manera un bom den tempo di paz.

Porfin Aruba a mira su gremionan uni y hasta su politiconan hunto den buskeda di un solucion pa su problema grandi.

Mientras Wever-Croes tabata bay Hulanda pa atende cu gobierno Hulandes, Marlon Sneek a presenta un storia cu no ta duna ningun solucion pero si ta haci hende comprende pakico e ser humano a perde paraiso pa motibo di un appel.

Ken a presenta e appel na hende?

Nos no kier atende e punto aki un rato, pero kier bolbe directamente na e topico mas importante y lansa e pregunta na Sneek, pakico Hulanda kier a introduci KB (decision real) cu no ta algo cu a cuminsa cu gobierno Wever-Croes pero cu gobierno anterior cu Marlon Sneek entre otro a entrega un fondo di 1.6 Biyon pa spart den tram, den fietspad y den brug cu ta laga hende cay den abismo.

Ora nos a tuma nota di e teoria di Sneek ayera nos a puntra nos mes si ta e partido ruman di AVP cu ta e partido di Knops, a pidi Sneek pa bin defende loke Knops a haci cu Aruba.

Na mes momento nos ta reta Sneek pa bin bisa cu henter e problema cu Aruba ta confronta, no ta pa motibo di e desastre causa dor di e partido di Sneek cu solamente a mira bienestar politico.

Politica ta keda politica, Sneek. Pero loke e miembronan di Parlamento di partido di Sneek a permiti ocho aña largo, ta loke a bira e condena di Aruba, cu a logra sconde pa pueblo cu e welga di hamber den Fort Zoutman.

Pakico tabata tin welga di hamber? Kico a pasa despues? Kende a baha BBO cu mita pa gana eleccion sin busca otro forma pa yena e caha di Aruba na momento cu Valero mester a stop cu refineria?

Kende a crea debe nacional? Miembronan di cual partido den Parlamento a hinca den nan cabes pa duna nan gobierno cu tabata gobierno di Sneek, un fondo di 1.6 Biyon pa spart sin ningun consideracion?

Kende a sconde e rapport di Algemene Rekenkamer Aruba riba e pot di 1.6 Biyon cu tur e proyectonan cu awor y den futuro Aruba mester paga?

Pakico bo lider politico a nenga di forma gobierno na 2017, Sneek? Kico e mes a bisa?

Kende a trece proyecto fantasma di Citgo pa Aruba y pakico Hulanda a scrap e proyecto aki di presupuesto, Sneek?

Historia ta ripiti su mes y ta hiba nos na e momento cu Aruba a lucha pa su Status Aparte. Historia ta ripiti su mes na momento cu Aruba mester defende su Status Aparte.

Sneek ta bolbe splica Aruba pakico hende a perde paraiso. Pa motibo di e appel di discordia cu un vibora a entrega na hende.

- Advertisement -

DUNA COMENTARIO

Please enter your comment!
Please enter your name here