Home Bites E prome UTV di Garage Centraal tin ganador y awor lo tin...

E prome UTV di Garage Centraal tin ganador y awor lo tin un otro pa luna di Juli

189
0
SHARE
- Advertisement -

ORANJESTAD (AAN): Diahuebs mainta, den presencia di notario Yarzagaray, Garage Centraal Aruba a haci e sorteo di e UTV cu a ser anuncia como premio entre esnan cu a cumpra un auto nobo na e dealer aki den e luna di Juni

   E ganador a resulta den persona di Jairzinho Croes, cual a ser contacta poco despues di finaliza e live casting cu a ser transmiti live via facebook conhuntamente cu 24ora.com, y lo pasa busca e UTV diabierna awor.

   Mas ainda, Garage Centraal Aruba a anuncia cu e promocion aki lo ser ripiti cu un otro UTV pa luna di Juli. Esaki kiermeen cu entre esnan cu completa e compra di un auto na Garage Centraal den luna di Juli lo ser rifa un UTV nobo. Tur esnan cu busca un auto nobo Hyundai, Isuzu of Volkswagen durante e luna lo cualifica pa drenta den e sorteo pa e luna di Juni, cual lo tuma lugar den e prome 5 dianan di augustus.

   E promocion aki, según Rodney Kock, Marketing Manager di Garage Centraal Aruba, ta agrega ainda mas beneficionnan pa esnan cu dicidi di busca un auto nobo den e temporada aki. Recientemente a ser introduci na mercado un model nobo di Hyundai, e Verna sedan, pa un prijs atractivo, y esaki ta un di e variacion amplio di autonan tanto Hyundai, Isuzu como Volkswagen, disponibel na Garage Centraal Aruba, tur cu respaldo di servicio solido.

   E invitacion ta keda pa un y tur pasa bishita Garage Centraal Aruba su showroom, check un di e autonan nobo disponibel, y keda pendiente pa e resultado di e sorteo, unda lo por bira e ganador di un UTV nobo.

- Advertisement -

DUNA COMENTARIO

Please enter your comment!
Please enter your name here