Home Gobierno E parti importante ta pa establece con leu e entidad por bay...

E parti importante ta pa establece con leu e entidad por bay den tuma decision

534
0
SHARE
- Advertisement -

Prome Minister:

ORANJESTAD (AAN): Diaranzon Prome Minister Evelyn Wever Croes a sinta den un reunion cu representantenan di sindicato y gremionan di Aruba, pa papia tocante e condicionnan cu Hulanda a pone pa nos isla sigui haya un ayudo financiero.

Na comienzo di e reunion Prome Minister Wever Croes a hiba palabra y a splica dicon el a bay Hulanda.

E mandatario a indica tambe cu el a bisa e Hulandesnan cu Aruba no ta contra un supervision y cu Gobierno lo compronde si Hulanda te hasta kier mas supervision, pasobra nan lo ta dispuesto pa fia mas cu 500 miyon florin e aña aki.

    “Nos a bisa nan cu nos no tin problema tampoco cu un reforma, pasobra nos mes ta trahando riba un plan nacional di reforma, pa haci Aruba su economia mas fuerte y mas resiliente”, segun Wever Croes.

     El a sigui bisa cu e plan di Gobierno tin un vision.

     E mandatario a duna esnan presenta un splicacion riba con e situacion ta na e momentonan aki, unda cu el a bisa cu Hulanda kier yuda Aruba financieramente, pero nan no por hacie directamente di Gobierno pa Gobierno, sino via un entidad cu mester yama ‘Caribische Hervormingsentiteit’(CHE).

E entidad ta bay ocupa su mes cu e prome fluho di placa, esta e sosten di likidez.

      E mandatario a splica cu despues di ricibi ayudo pa Juli, Augustus y September, muy probablemente mescos ta bay ta e caso pa e tres ultimo lunanan di aña.

      E speranza ta cu lo no tin mester di un di 5 ayudo financiero pa comienzo di otro aña, pero tur cos ta depende riba con economia di Aruba cuminza draai, awor cu e turistanan a cuminza bishita nos isla.

Despues cu e entidad manda e placa di sosten, CAft ta sigui haci e supervision financiero.

E peticion pa e ayudo pues ta bay via CAft y nan ta duna un conseho cu tabata bay pa gobierno y awor e intencion ta pa e conseho aki bay pa e entidad pa wordo aproba.

    “CAft a duna aprobacion caba pa nos haya placa pa Juli, Augustus y September, pero awor Hulanda a bin cu e extra condicionnan”.

    Hulanda a realiza y nos tambe, cu si Hulanda sigui duna nos sosten di likidez so, nos no ta bay lanta cabez, of lo tarda hopi pa nos lanta cabez.

    Ta bay depende riba nos sector di turismo, pues ora cu e ta fuerte bek y tambe riba otro posibel pilarnan economico, segun e mandatario.

     El a sigui bisa cu Hulanda su interes ta pa presta nos e placa, pero pa nos paga nan bek.

Hulanda a mustra dispuesto di inverti den Aruba via un tipo di Fondo di Desaroyo, caminda cu Hulanda ta pone y ta busca placa di capital priva tambe den e fondo y e fondo ta bay ta disponibel na Aruba.

Tanto personanan priva, institutonan of publico por aplica na e fondo aki pa financia un proyecto.

    “Si bo tin un proyecto den sector priva of enseñanza, sector hotelero etc, bo ta entrega un bon project dossier y via e entidad bo por bin na remarke pa fondonan, si nan aproba esaki”, segun Wever Croes.

    El a bisa cu e idea aki di Hulanda ta uno noble, pasobra nan kier yuda pa nos bira mas fuerte.

E entidad por haci donacion y subsidio tambe na fundacionnan.

    “Pa haci e inversionnan posibel, nan kier pa aworaki caba yega na un acuerdo pa loke ta unda tur lo por wordo inverti”.

    Nan a identifica algun punto si caba, unda cu e entidad ta bay inverti, manera por ehempel den husticia, segun Proem Minister.

    El a bisa cu e problema di e entidad ta cu e tin un caracter di impone y di tuma su propio decisionnan riba kico e ta bay haci, siendo cu un gobierno mester por tin e poder di dune of keda sin dune e permisonan.

    Segun Wever Croes, si bay di acuerdo cu e tipo di entidad asina, bo por haya cu e entidad ta tuma un decision cu ta bay totalmente contra vision di e gobierno. Riba esaki Gobierno di Aruba ta deliberando ainda tur dia.

- Advertisement -

DUNA COMENTARIO

Please enter your comment!
Please enter your name here