Home Parlamento E condicionnan cu Hulanda ta pone ta aumenta desigualdad den Reino

E condicionnan cu Hulanda ta pone ta aumenta desigualdad den Reino

93
0
SHARE
- Advertisement -

Parlamentario Endy Croes: Onbudsmannen a skirbi carta pa Rutte

ORANJESTAD (AAN): Parlamentario Endy Croes ta splica cu Defensornan di Pueblo (Onbudsmannen) di Reinier van Zutphen di Hulanda, Keursly Concincion di Curacao y Gwendolien Mossel di St Maarten hunto a skirbi un carta recientemente pa Promer Minister Hulandes esta Mark Rutte.

Den e carta aki nan a remarca nan preocupacion con Aruba, Curacao y St Maarten ta wordo trata primordialmente basa na e condicionnan cu Hulanda ta pone pa presta e paisnan den Reino placa cual ta aumenta e desigualdad socio economico den Reino y no ta sirbi e democracia di e paisnan. 

Paisnan den Reino ta sufriendo:

Paisnan den Reino tin diferente reto y problema cual no ta caba solamente na nan frontera. Pobresa cu ta bisto na Bes eilanden  (Caribisch Nederland) tambe ta semi notable na e otro paisnan den Reino. Coronavirus a percura pa esaki bira mas conmovedor.

E condicionnan cu Hulanda a pone pa Paisnan den Reino ricibi Liquiditeits steun como prestamo entre otro baha personeel di e aparatonan lo garantisa mas sufrimento di acuerdo cu Defensornan di Pueblo. Nan no ta kere cu esaki lo por ta e intension real di Gobierno di Reino y no ta sirbi e democracia di e Paisnan.

Otro Problemanan cu Defensornan di Pueblo a nombra:

Den mesun carta cu e Defensornan di Pueblo hunto a manda pa Rutte nan a pidi atencion  pa e falta inefectivo con Hulanda a atende cu situacion pa cu e recuperacion di St Maarten despues di e dañonan devastador cu horcan Irma a laga atras.

Pa Curacao por ehempel acceso na awa potable pa ciudadanonan vulnerable ta otro topico di importancia. Ademas refugiadonan di Venezuela tanto na Aruba ,Curacao y St Maarten ta un problema adicional. Falta di regulacionnan den combinacion cu lugarnan adecuado pa e refugiadonan por keda ta otro problema cu na varios ocasion a wordo menciona.

Desigualdadnan:

Aruba sinembargo no tin su Defensor di Pueblo (onbudsman) ainda. E ley ta cla y den e lunanan nos dilanti esaki lo wordo trata y ohala promer cu aña sera Aruba por tin su Defensor di Pueblo inplace. E 3 Defensornan di Pueblo di Hulanda, Curacao y St Maarten a termina splicando cu nan lo pidi un reunion cu Rutte pa asina papia riba e desigualdadnan den Reino.

Parlamentario Croes ta termina bisando den e corona crisis no ta e momento adecua pa trece cambionan grandi den Statuut y forsa e islanan cu ta hopi gevoelig riba e tema aki den un direccion cu lo trece hopi agitacion y inestabilidad den comunidad a cambio di placa. Ban spera Hulanda recapacita. 

 

- Advertisement -

DUNA COMENTARIO

Please enter your comment!
Please enter your name here