Home Economia Director di DWJZ a splica den kico ta consisti e cambionan den...

Director di DWJZ a splica den kico ta consisti e cambionan den RFT

148
0
SHARE
- Advertisement -

LAft ta continua, pero di un Rijkswet

ORANJESTAD (AAN):   George Croes, Director di Directie Wetgeving en Juridische Zaken Aruba a duna un presentacion na e sindicatonan y gremionan recientemente unda el a duna un bista di e situacion na Aruba aworaki pa loke ta e parti huridico.

El a bisa cu na e momento aki Aruba tin e asina yama LAft (Landsverordening Aruba Financieel Toezicht) cu ta un ley local cu ta regla e supervision presupuestario door di un instancia cu formalmente ta CAft (College Financieel Toezicht) y cu ta regla e supervision riba e presupuestonan y tambe e ehecucion di esaki.

CAft tambe tin algun regla relaciona cu esey manera fiansanan, etc, a splica.

Den LAft tin un asina yama un modelo di escala cu ta haci cu CAft por duna advies na Conseho di Minister di Reino pa duna Aruba un aanwijzing pa cambia e presupuesto di tal manera.

Esey ta e situacion actual, a bisa. Pa loke ta trata e Rijks Financieel Toezicht (RFT), esaki ta conta pa Corsow y Sint Maarten. El a bin na vigor den cuadro di e disolucion di Antillas Hulandes y creacion di paisnan Corsow y Sint Maarten.

Den cuadro di esey a bin un RFT. Door di e RFT y e LAft, gran parti tin e mesun contenido. Sinembargo, tin diferencianan grandi toch den dos punto cu ta e ‘normstelling’ cu ta fundamentalmente diferente entre LAFt cu RFT y tambe e posibilidad di fiansanan.

Aruba a haya di Hulanda un concepto di ley, un rijkswet, cu ta consisti basicamente di dos parti. Un di nan ta regla e parti grandi y mas importante cu ta e institucion di e ‘Caribische Hervorming Entiteit’. E otro ta regarda e ponemento di Aruba den e RFT, a señala.

Segun Hulanda, esaki mester wordo yama como un asina yama ‘consensus rijkswet’, cual ta un ley cu ta conta den Reino pa e paisnan cu kier participa na dje. Pa esaki mester tin consensus di e paisnan pa e wordo traha y aplica, a remarca.

Croes a sigui bisa cu den e caso aki, Hulanda ta esun cu a inicia e concepto di ley aki y Aruba, Corsow y Sint Maarten lo mester bay di acuerdo cu ne.

Pa loke ta trata e cambionan pa cu Aruba, e situacion ta bira basta diferente. Basicamente e proposicion ta pa incorpora CAft den RFT. Kiermen, ta bay tin dos colleges financieel toezicht, un Cft pa Corsow y Sint Maarten y un CAft pa Aruba so. E ‘normenkader’ lo ta diferente, a indica.

E sistema actual di RFT lo keda conta pa Corsow y Sint Maarten, pero pa Aruba, loke tin para den e protocol di November 2018 ta wordo incorpora den e RFT pa cu Aruba.

Por bisa cu den cierto sentido e LAft ta continua, pero e biaha aki bao di un ley di Reino (Rijkswet) no den un ley local manera cu e ta awor, e director di DWJZ a laga sa y esey tin implicacion pa e rol di e organonan eyden.

 

- Advertisement -

DUNA COMENTARIO

Please enter your comment!
Please enter your name here