Home Religion y Espiritualidad Dialuna tin Oracion na Monumento di Inmaculada Curason di Maria

Dialuna tin Oracion na Monumento di Inmaculada Curason di Maria

18
0
SHARE
- Advertisement -

ORANJESTAD (AAN): Riba Dialuna 13 di juli 2020 lo bay tin Santo Rosario y Oracion na e Monumento di “Inmaculada  Curason di Maria na Santa Cruz. 

Grupo di Oracion “Inmaculado  Curason di Maria ” ta invita tur debotonan cu a Consagra na Mama Maria y ta bisti un Scapulario, tambe tur a consagra cu e Scapulario di Dos Curason di Mama Maria y Sagrado Curason, pa bin resa y keda fiel na Nos Mama Celestial, cu ta sufri tanto pa desobedencia di hopi na Su Yiu Hesus.

   E scapulario nos ta bistie ora special manera riba tur 13 di cada luna y dianan special di fiesta di Inmaculada Curason di Maria.. Tur dia nos ta resa nos Santo Rosario. Un ves pa luna ta bin hunto como ruman den Cristo y yiunan di Dios ta bin cu alegria y goso pa resa e Santo Rosario.

   Pero pa bo sinti cu bo ta parti di e grupo, bin pa bo resa cu hopi Respet un misterio, sinti bo mes e yiu di Mama Celestial. Tur cu a consagra, den parokia di Savaneta y di Sta. Cruz, Paradera, na kapel di Alto Vista y den kapel di San Francisco  ta invita pa Dialuna 13 di juli 2020  pa reunie 6 or di atardi na e Monumento di  Inmaculado Curason di Maria, pariba di Misa.

   Ta cuminsa resa e “Angel di Señor”, despues ta resa e Santo Rosario. Dialuna ta misterio “Gososo ”, cu canto y oracion pa alaba y gradici grandemente nos Mama Celestial y Su Dibino Yiu.  Duracion ta 55 minuut, y despues ta sigui Santa Eucarestia.

 

- Advertisement -

DUNA COMENTARIO

Please enter your comment!
Please enter your name here