Home Gobierno Diadomingo awo Hospital lo ta bek na capacidad di cuido cu prome...

Diadomingo awo Hospital lo ta bek na capacidad di cuido cu prome cu e candela

83
0
SHARE
- Advertisement -

Minister Dangui Oduber

ORANJESTAD (AAN): Minister di Turismo, Salubridad Publico y Deporte, Dangui Oduber a duna un update riba situacion na Hospital. Manera ta conoci dia 16 di Juni un candela a tuma lugar cu a pone hopi presion riba capacidad di cuido y ICU, como tambe capacidad en general di Hospital.

   Den pleno COVID, e candela aki sosode, poniendo mas presion riba Gobierno, cu a anuncia reapertura di frontera pa Europa y Merca.

   Minister a bisa cu esaki tabata un situacion hopi dificil, y regularmente testnan mester a tuma lugar den ultimo simannan aki pa wak si tin asbest den aire, si esaki ta contamina den otro edificionan di Hospital. Finalmente despues di varios test a conclui cu no tin asbest mas den aire.

   Tin hopi discusion entre SOGA, Hospital y Gobierno a asumi e responsabilidad y a tuma over e area caminda e candela a sosode pa por saneer esaki, hunto cu departamentonan di Gobierno, DTI y DOW, pa despues por sigui e verhuizing.

   Minister ta contento di por anuncia cu e sanering a tuma lugar y e edificio a wordo libera y e verhuizing por tuma lugar pa asina yega bek na capacidad cu tabatin prome e candela.

   Esaki lo tuma algun dia, pero si no tin mas contratempo, pa diadomingo Hospital lo ta bek na capacidad di cuido cu Hospital por a ofrece prome cu e candela.

   Sigur esaki ta un bon noticia, specialmente den momentonan cu Aruba ta bay habri frontera cu Merca.

   Minister a probecha pa gradici tur departamento cu nan esfuersonan pa logra esaki.

 

- Advertisement -

DUNA COMENTARIO

Please enter your comment!
Please enter your name here