Home General Di con Gobierno a pusha Taxistanan pa haya placa di FASE y...

Di con Gobierno a pusha Taxistanan pa haya placa di FASE y no a yuda cu Loonsubsidie

494
0
SHARE
- Advertisement -

Pregunta hopi valido

ORANJESTAD (AAN): Ora cu e crisis di Coronavirus a cuminza afecta Aruba, ta hopi hende mes den sector di horeca a keda sin trabao.

   Mesora Ministro Glenbert Croes a anuncia cu el a crea un Fondo FASE cu ta bay yuda tur trahador cu keda sin empleo, cu e suma di 950 Florin mensual pa asina por sobrevivi.

   Mesun momento a anuncia cu hendenan cu tin un solo negoshi sin personal lo haya e suma di 4.000 Florin pa luna.

   Tambe despues via di Gobierno y SVb, a yega na un sistema di bin cu Subsidio di Salario, unda companianan cu a bay atras cu 100% lo haya un subsidio di 60 porciento pa paga salario.

   Tur esaki ta masha bunita, pero algo cu hopi Gobernante a lubida ta e hecho cu cada Taxi na Aruba ta doño di nan propio negoshi, y nan no tin trahador.

   Pero pa un motibo incomprendible, Taxi a wordo poni riba e lista di FASE y ta haya djis e 950 Florin mensual.

   Te ainda tin hende cu no ta compronde di con un Taxista no por a cay den e yudanza di 4.000 Florin mensual cu FASE ta ofrece.

   Y pa colmo, tampoco nan no por a bin na remarca pa haya e 60% di subsidio di salario cu SVb a regla cu tur negoshi na Aruba.

   “Tur otro doño di negoshi a keda haya 60% te 80% di salario.  Pero nos como Taxista a djis haya 20% di salario, cu ta e 950 Florin di FASE,” ta loke un Taxista a indica na DIARIO.

   Pero mas laat ora cu DIMP bay cobra Belasting di e Taxistanan, e ora si nan ta obliga di paga e volle pond.

   “Si ami como Taxista tin derecho di paga Belasting… anto ami tin derecho di haya entrada via Loonsubsidie tambe,” e Taxista a indica.

   Di con a trata e Taxistanan asina durante e crisis di Coronavirus?  Pa hopi tempo cada sector di Gobierno ta trata e Taxistanan na un forma diferente.

   Tin biaha, e Taxistanan ta wordo obliga na paga double BBO.

   Tin biaha, Gobierno ta considera un Taxista como un ‘negoshi’.

   Tin biaha, Gobierno ta considera un Taxista como ‘eenmanszaak”.

   Ta tende cu nan ta gana mucho placa pa drenta SVb.

   Taxista ta traha den horeca, pero e chauffeurnan no ta aplicable pa drenta den PFTSA, esta Pension Fund Tourism Sector Aruba.

   CONCLUSION:

   Loke por conclui aki, ta cu na Aruba tin un pensamento hopi desigual pa cu e posicion di un Taxista na Aruba.

   Taxistanan ta e grupo na Aruba cu durante Covid-19 ta un di esnan cu na final a keda hopi desafortuna di e situacion pa cu e pandemia.

   “Tur hende a haya e 60%, pero e Taxista aparentemente no mag di come y tin di existi riba djis 950 Florin,” a ser bisa na DIARIO.

   Awor frontera a habri un poco, y por nota cu mayoria di e turistanan cu ta bin bek ta repeat-visitors y esnan cu tin time-share.  Hopi ta costumbra di busca V-auto.  Pesey mes riba e prome weekend cu re-apertura di frontera, algun Taxista a dura 6 ora largo para den Parkinglot na Aeropuerto prome cu nan a haya chens di transporta turista.

   Hasta awor cu ta suavisando reglanan y habri frontera bek, e Taxistanan ta kedando atras como esnan hopi desafortuna.

 

- Advertisement -

DUNA COMENTARIO

Please enter your comment!
Please enter your name here