Home Gobierno Cu hopi optimismo y positivismo Aruba ta habri su fronteranan cu Merca

Cu hopi optimismo y positivismo Aruba ta habri su fronteranan cu Merca

208
0
SHARE
- Advertisement -

Minister Dangui Oduber

ORANJESTAD (AAN):  Minister Dangui Oduber a expresa diabierna cu Aruba ta pasando den momento hopi dificil, es mas e momentonan mas dificil di historia di nos pais.

“Nos ta arubianonan orguyoso y trahador y semper nos a demostra cu nos por bounce bek di tur crisis cu nos a pasa aden. Nos pais ta para na e reto mas grandi den nos historia y nos tin tuma e reto aki y sali for di e crisis aki”.
            Dia 13 maart 2020 Covid-19 a yega Aruba y consecuentemente nos mester a sera nos fronteranan. Nos fronteranan a keda sera pa mas cu 3 luna y tur hende riba e pais aki por a sinti kico tabata e consecuencianan. Nos a pone salud di nos hendenan na promer lugar y nos ta keda haci esaki.

            Ta importante pa menciona cu no ta un decision facil pa habri nos fronteranan bek. Mester pone den balans salud di nos hendenan y tambe economia di nos pais.

            Nos ta sinti cu nos a prepara nos mes debidamente como pais pa por habri nos fronteranan bek. Nos a tuma tur e medidanan di prevencion necesario pa limita e riesgo di importacion di casonan nobo mas tanto posibel.

            A pone testing obligatorio pa ‘hot zones’ na Merca y tambe lo test tur pasahero ora nan yega Aruba. Esaki ta un medidanan adicional cu nos a introduci pa Merca.

            Aruba ta hopi bon prepara. Mi tin cu gradici ministerio turismo salud publico y deporte, DVG, ATA, Directie Luchtvaart, AAA, AHATA, Ministerio di Husticia, IASA y Imigracion, Crisis Team pa tur esfuerzo pa nos por a yega aki nan.

E no tabata facil pa haci tur e trabaonan pa nos ta mihor prepara posibel pa limita e riesgo di importacion. Pa simannan largo preparacionnan ta andando y finalmente nos a yega na e momento aki cu nos ta habri nos fronteranan bek pa Merca. E ultimo dianan aki personal di DVG ta na airport pa vigila y monitoria e situacion den practica y e ta bayendo bon.

            Cu hopi optimismo y positivismo nos ta mira e reapertura di nos fronteranan bek pa Merca. Turismo ta nos driver principal di nos economia y ban ta agradecido cu poco poco nos por cuminsa reactiva nos turismo bek. Nos ta yama bon bini na tut nos bishitantenan awe. Nan tambe ta tuma e risico pa bin disfruta na Aruba.

            Nos ta keda pidi pueblo cooperacion pa cuida nan mes, tene nan mes na e protocolnan, keda laba man frecuentemente y keda mantene distancia. Hunto so nos por logra bolbe bek riba nos pianan”, Oduber a expresa.

- Advertisement -

DUNA COMENTARIO

Please enter your comment!
Please enter your name here