Home Hudicial Corte Superior a rechaza tur demanda di Mantbraca contra Pais Aruba

Corte Superior a rechaza tur demanda di Mantbraca contra Pais Aruba

321
0
SHARE
- Advertisement -

ORANJESTAD (AAN): Ayera Corte Superior a dicta sentencia den e caso cu Mantbraca a entama contra Pais Aruba tocante e trabounan di renovacion den caya.

   Corte Superior, mescos cu e Corte den Prome Instancia, a rechaza tur demanda haci di parti di Mantbraca, a duna Pais Aruba rason cu el a termina cu e contracto di construccion cu Mantbraca.

   E posicion di Pais Aruba, cu Mantbraca ta desmenti su mesun responsabilidad como contratista, a ser confirma y subraya door di Corte Superior. Como e contratista principal, Mantbraca mester a percura pa contracta suficiente personal, pa ordo na tempo e equiponan di construccion y material nan necesario y pa adapta su planificacion. Cu Mantbraca tabata tin di haber cu dia nan di yobida, cu entregamento di materialnan cu ta laat of inadecua ta forma parti dje riesgo di un contratista, cu tin cu ehecuta un trabou di construccion. Cu e trabounan di renovacion no a ser completa debidamente, cu e no a ser termina of por a wordo entrega ta circunstancia cu mester bin pa cuenta di Mantbraca.

   Finalmente Pais Aruba, riba su mes mester a termina e trabounan di renobacion y mester a paga e subcontratistanan pa nan trabou directamente. Teniendo cuenta cu tur cos menciona anteriormente Corte Superior a dicidi cu Pais Aruba a termina e contracto di construccion, a impone un multa na Mantbraca y pa invoca e garantia bancario emiti na Mantbraca debidamente. Mantbraca a ser condena pa Corte Superior den e gastonan di e procedura.

Pais Aruba a ser asisti pa Sra. Gabriela Sjiem Fat abogado na e bufete di Sjiem & Co.

 

- Advertisement -

DUNA COMENTARIO

Please enter your comment!
Please enter your name here