Home General Conseho di Ministro di Reino y Tweede Kamer ta traicionando Statuto di...

Conseho di Ministro di Reino y Tweede Kamer ta traicionando Statuto di Reino Hulandes

128
0
SHARE
- Advertisement -

Grupo local a manda cartanan di protesta

ORANJESTAD (AAN): E grupo local di Stichting Rainbow Warriors Core di Aruba, a caba di manda riba Diaranzon, un carta pa e.o. Comision BUZA y tambe Tweede Kamer na Hulanda, pa protesta riba loke Gobierno Hulandes kier haci cu e isla door di pone cuchiu na garganta.

   E carta ta mustra con e grupo na un forma di horor, disgusto y desaprobacion a tuma nota di e forma unda dentro di 4 dia, y cu deadline di 10 di Juli, tanto Gobiernonan di Aruba, Curacao, y St. Maarten mester tuma e decision di vota sin consulta cu representantenan di pueblo di e respectivo paisnan, pa aproba medidanan cu ta contene medidanan di gran alcance y fundamentalmente drastico djis pa pone nan control riba e isla y bao supervision total di un “Regentenraad” di tres Hulandes Europeo.

   Como organizacion di Derechonan Humano, cu tambe como CorruptionWatch Aruba pa hopi aña a yega di traha cu numeroso otro NGO rond mundo pa combati corupcion, y promove transparencia y integridad, y nan awor ta conclui cu tanto Rijksministerraad, como tambe Tweede Kamer ta traicionando e espirito, intencion, y e interpretacion

   Ni Parlamento, ni Raadnan di Advies di e tres paisnan menciona, no mag di wordo scucha den e dianan aki te cu dia 10 di Juli.

   Cu e consentimento cu Gobierno Hulandes ta tratando di forza e islanan pa acepta e condicionnan drastico aki dia 10 di Juli, tambe ta eliminando tur e apariencianan cu, di acuerdo cu e intencion y e meta di e Sustainable Development Goals di Nacionnan uni ta pa semper tene un forma habri y estilo inclusivo pa consulta tur stakeholders prome cu tuma decision den desaroyo social, economico, y ecologico sostenible di cada un di e tres islanan.

   HACI DENUNCIA INTERNACIONAL:

   Conforme Statuto, como organizacion cu autoridad mundial pa actua den practicamente tur area tematico cubri pa Nacionnan Uni y su respectivo organonan constitutivo, e grupo di Aruba cu a manda e carta ta sinti nan mes obliga di tuma medida apropia contra Conseho di Ministro di Reino y Tweede Kamer, tanto na nivel di Nacionna nUni como tambe nivel di Union Europeo.

   Esakinan por inclui tambe kizas haci un yamada na comunidad internacional, como tambe comercio politico y internacional, y specialmente e International Civil Society, pa selectivamente pone un presion selectivo y duro riba Gobierno Hulandes, en particular e partinan vital di nan comercio internacional y e industria hulandes orienta pa exportacion.

   Tambe a mustra nan riba e situacion cu Hulanda a maniobra e tres islanan aki cu “last minute” deal, ta hustifica e uso di e termino “Islander Lives Matter” y cu lo por provoca un ola internacional di indignacion.

 

- Advertisement -

DUNA COMENTARIO

Please enter your comment!
Please enter your name here