Home General ‘Con pa anda cu Demencia’

‘Con pa anda cu Demencia’

55
0
SHARE
- Advertisement -

Presentacion di buki nobo di Francis Escalona

ORANJESTAD (AAN):  Recientemente a tuma lugar presentacion di un buki nobo di Francis Escalona.

E buki a wordo saca den Papiamento y Hulandes.

Titulo di e buki ta ‘Con pa anda cu Demencia (Omgaan met Dementie).

Durante e presentacion dos empleado di cuido a splica con nan y decenas di otro empleado a yega di haya les di Escalona den  ‘Geriatrie’, cu ta cuido di anciano.

A wordo splica cu ancianonan na edad halto ta wordo confronta cu mas problema di salud compara cu hendenan mas hoben.

Nan sa haya nan mes den problemanan social tambe, mientras cu hopi biaha nan no por cuida nan mes y nan ta sinti nan mes nan so.

Tambe nan por tin problema cognitive, incluyendo problema di concentracion y te hasta demencia.

Pesey e tipo di buki aki skirbi pa Escalona por ta hopi importante pa yuda den e bataya contra entre otro demencia.

Escalona mes ta traha den Geriatrie den hospital y el a splica cu e ta un trabao dificil.

Segun Escalona e ta haci e trabaonan den Geriatrie cu Dr. Waterloo y esaki apenas a cuminza 4 aña pasa, despues cu Escalona y Waterloo pa di tantisimo biaha a sinta cu director di hospital pa splike di e posibilidadnan di traha mihor riba cuido di anciano.

Esaki ta algo cu pa 30 aña caba na Hulanda ta wordo haci.

Un di e aspectonan importante di demencia cu Escalona ta splica den su buki ta cu ora di casonan di demencia, ta importante pa corda cu ta e mesun persona y cu e diferencia ta cu ta e cerebro di e persona ta enfermo.

“Hopi biaha esaki ta wordo lubida”, segun Escalona.

El a gradici e tantisimo personanan cu a yude durante su trabao y tur esnan cu a yude tambe cu su buki, incluyendo hendenan cu a contribui cu potretnan di miembronan di nan famia cu demencia.

- Advertisement -

DUNA COMENTARIO

Please enter your comment!
Please enter your name here