Home Gobierno Comunidad mester keda alerta y cuida nan mes contra e virus

Comunidad mester keda alerta y cuida nan mes contra e virus

175
0
SHARE
- Advertisement -

Prome Minister Evelyn Wever-Croes

ORANJESTAD (AAN): Durante conferencia di prensa di dialuna anochi, Prome Minister Evelyn Wever-Croes a indica cu e siman aki ta hopi importante pa Aruba, mirando cu nos ta den cuadro di reapertura di frontera,  y pronto lo habri frontera cu Merca, cu esaki por bolbe reconstrui pilar economico di turismo, specialmente cu turistanan Mericano.

   Prome Minister a duna un update relaciona cu casonan di COVID-19, na unda tin 4 caso positivo, di cual 2 persona ta den hospital, pero ta den bon estado di salud. E otro persona ta na cas. Contact tracing a tuma lugar y basa riba esaki algun persona ta den cuarentena, door di tabata den contacto cu e personanan contagia.

   Tur 4 persona ta residente di pais Aruba cu a bin di exterior, di Merca, Peru, Ecuador y Colombia.

   Segun e mandatario, esaki ta demostra cu comunidad mester siña biba cu e virus aki, pasobra aki ta papia di personanan residente, cu a bin bek cu e virus. Den futuro, ni si Gobierno dicidi di cera frontera completamente, residentenan lo sigui haci tipo di viahenan aki, manera pa salud of pa trabao, y e virus por sigui drenta.

   Prome Minister ta pidi comunidad pa keda extra alerta. E virus ta na Aruba bek, y nos tur mester cuida y cuida hopi bon. Na comienso di e crisis den luna di Maart, Gobierno a cuida comunidad tumando varios medida, manera Shelter-in-Place, Toque-de-Queda, Samenscholingsverbod y Lockdown. Gobierno a tuma e decisionnan aki pa cuida abo y bo famia.

   Segun Prome Minister, actualmente no tin e medidanan aki mas, pero cada persona mester cuida nan mes. Si ta necesario, nan lo tuma medidanan, pero nan kier evita esaki. Awo nan ta confia den debernan civico di cada ciudadano pa cuida nan mes.

  1. Tene distancia pa evita contagio.
  2. Sigui reglanan di higiena. Laba mannan cu habon mas frecuente, usa hand sanitizer. Segun Prome Minister, esaki ta un crisis cu por wordo combati na un forma relativamente simpel. Laba mannan cu habon.
  3. Si bo ta sinti sintomanan keda paden. Yama docter pa haci un cita y pa haci e test pa mira si bo por tin e virus. Esaki ta pa isola e virus inmediatamente y evita mas contagio.

   Prome Minister ta pidi pa sigui e reglanan aki y asina yuda evita contagio di COVID-19 y asina logra den reconstruccion y recuperacion di Aruba.

- Advertisement -

DUNA COMENTARIO

Please enter your comment!
Please enter your name here