Home Deporte Chadwick Tromp preparando pa bira e di 6 pelotero Arubiano pa hunga...

Chadwick Tromp preparando pa bira e di 6 pelotero Arubiano pa hunga den Major League

371
0
SHARE
- Advertisement -

ORANJESTAD (AAN): Despues cu San Francisco Giants a tuma Chadwick Tromp over for di Cincinnati Reds, e pelotero Arubiano a sigui traha duro como catcher y a logra impresiona esnan na cabez di Giants asina tanto, cu el a haya bon oportunidad cu e equipo.

Tabata obvio cu su oportunidadnan lo ta limita pa bira e catcher principal di San Francisco, mirando cu Buster Posey ta e catcher di e equipo y ta un di e hungadornan principal cu un talento grandi.

E oportunidad pa Tromp subi den Major League a aumenta grandemente ora cu Posey a opta pa no hunga e temporada cortico di 2020, debi na e pandemia di COVID-19.

Den su ultimo wega di exhibicion cu Giants Tromp a demostra su equipo cu e por ta un bon opcion, ora cu el a bati dos hit incluyendo un doblete.

Su malasuerte tabata cu el a lesiona su pia levemente, pero awor e ta fit suficiente pa hunga y tur cos ta indica cu e ta bay haya su chens.

Si e hunga na dado momento, e ta bay ta e di 6 pelotero di Aruba pa hunga  den Major League, despues di Eugene Kingsale, Calvin Maduro, Sidney Ponson, Rhadames Dijkhoff y Xander Bogaerts.

Otro catcher Arubiano Shawn Zarraga tabata cerca di haya wega di Major League, pero apesar di ta sinta den dugout di Los Angeles Dodgers riba 25 di Augustus 2016,lamentablemente e no a haya chens pa drenta wega.

E siguiente dia el a bay bek Liga Menor.

Awor tur hende ta wardando pa wak Chadwick Tromp subi e veld sagrado di Major League, pa asina sigui manda Aruba su nomber den halto.

- Advertisement -

DUNA COMENTARIO

Please enter your comment!
Please enter your name here