Home Deporte Chadwick Tromp a haci su debut den Major League cu Giants

Chadwick Tromp a haci su debut den Major League cu Giants

407
0
SHARE
- Advertisement -

SAN FRANCISCO:

Despues cu den pre temporada Arubiano Chadwick Tromp a haci un bon trabao como catcher y na plato, Diahuebs anochi el a wordo recompensa, door di cuminza e wega di temporada di Major League pa San Francisco Giants contra San Diego Padres.

Esaki a wordo facilita tambe door di ausencia di catcher strea di Giants Buster Posey, kende a opta pa no hunga e temporada aki.

Tromp a bati di 9 y a catch full e wega.

Apesar cu e Arubiano no a bati mucho bon den su debut, e tabata e catcher ganador pasobra Giants a bin bek pa gana Padres 7-6.

Tromp a bay 0-4 cu tres ponche, pero el a yuda tras di plato, pa su equipo logra e triunfo.

Na Aruba amantenan di deporte tabata pendiente pa e debut di e Arubiano y tur caminda riba e isla tabata tin un alegria grandi pa wak e di 6 pelotero Arubiano pa hunga den Major League.

E sentimento ta cu Chadwick sigur ta bay haya mas oportunidad pa demostra su mes na e nivel mas halto di baseball.

For di aki na Aruba, DIARIO ta manda palabranan di pabien pa Chadwick Tromp y su famia pa e tremendo logro, deseando e pelotero hopi exito cu continuacion di su carera.

- Advertisement -

DUNA COMENTARIO

Please enter your comment!
Please enter your name here