Home Politica “Casi 1 biyon Florin Mike Eman a haya cu e por a...

“Casi 1 biyon Florin Mike Eman a haya cu e por a dispone di dje na final di 2009”

238
0
SHARE
- Advertisement -

Ex-Prome Minister Nelson Oduber:

ORANJESTAD (AAN): Ex-Prome Ministro Nelson Oduber a trece tiki claridad pa publico, specialmente esnan cu no sa kico a pasa e ultimo 34 añanan cu 10 gabinete.

   Segun Oduber, el a guia 4 gabinete di cual 3 completo y un casi 2 aña pero nunca nan a yega di pidi placa di Hulanda. Nunca gobierno di Oduber a haya un aanwijzing ni KB di Hulanda. Ningun ministro di gobierno a bay cera pa corupcion. Cu tabata tin cos cu por a bay mihor ta sigur. Cu tabata tin eror tambe ta humano.

   Maneho financiero y garantianan:

   Awor ban papia di maneho financiero. E deficitnan tabata responsabel y cumpliendo cu normanan cu nos mes a pone. Si a fia placa tabata pa cosnan productivo y pa paga debenan cu nos a hereda. Ningun bes nos a yega di pasa un debe di mas cu 43% di nos GDP cu segun IMF ta responsabel y manehabel.

   Oduber a bisa cu nan a soluciona un di e problemanan mas grandi di nos historia cu tabata e problema di mas cu 400 miyon Florin na debe, esta di e fracaso di e garantianan cu e aventura di e 3 hotelnan cu a keda ruina.

   Ora e banco di exportacion “Sace” a gana e caso den Corte na Hulanda nan a manda cobra e “back to back guarantee” cu Aruba su gobierno (Gabinete Henny Eman) a duna nan, unda a garantisa no solamente e banconan envolvi, pero Sace tambe! Oduber a bay Italia sin ayudo alguno di Hulanda cu segun art. 29 di Statuut tabata co-responsabel pa e prestamonan y Aruba a logra baha e debe cu 110 miyon Dollar y a bay di acuerdo pa paga cash 110 miyon Dollar y paga e resto den 15 aña cu interes hopi abao. Te aña pasa a caba di paga e debenan aki.

   Oduber a bisa cu nan den gobiernonan hasta tabata tin mas cu un aña cu surplus, esta na 2003 y 2008. E deficitnan e temponan ey tabata responsabel y manehabel financieramente.

   E situacion financiero na 2009:

   E debe tabata desde Status Aparte di varios gobierno di pasado 2.2 biyon Florin cu tabata 43% di nos GDP. Cu otro palabra di cada Florin 43 cent tabata bay pa paga debe!

   Y con esnan cu a gana eleccion na 2009 a haya e situacion financiero? Oduber a bisa cu nan a laga 34 miyon Florin cash. Na e 3% BBO a trece 196 miyon Florin. Tambe a obliga gobierno Hulandes duna nos  parti di e placa di e hotel di Plant NV di benta di Marriott Hotel cu tabata 250 miyon Florin plus e caso cu nos a cobra BBO for di Valero cu tabata 280 miyon Florin cu Gobierno a gana den Corte na Hulanda.

   Pues ora Oduber a bay di gobierno, Gabinete Eman por a goza na e 2 sumanan aki so 530 miyon Florin! Tambe tabatin mas cu 190 miyon Florin den FDA, esta e fondo di nos cu Hulanda hunto. Tabatin mas cu 10 miyon Florin di ganashi di Banco Central.

   Bo por bisa casi 1 biyon Florin Mike Eman a haya cu e por a dispone di dje, plus tabatin e proyectonan grandi manera Ritz-Carlton plus varios otro proyectonan tanto di gobierno como di sector priva cla cu financiamento pa ehecuta.

   Unda tur e placanan a bay y di con mester a mas cu redobla e debe, unda di cada Florin na aña 2017, 93 cent tabata bay pa paga debe so.  Ta Eman mester splica pueblo.

   “Mi ta corda con nos hasta a laga e proyecto pa un HAVO/VWO pa Noord y becindario cu financiamento cla. Pero FDA cu Hulanda a bay di acuerdo pa enbez di e scol usa e placa cu prioridad robez pa e proyecto di embeyecimento di Caya Betico Croes cu rails, tram, klinkers y parkeermeters cu a costa nos casi 40 miyon Florin.

    Proyecto cu a mata mas cu 100 establecimento den dicho caya. Cu bo por cuestiona ta ok, pero tin diferencia entre nos maneho y otronan. Un contribucion cu hechonan y no cu storia fabrica!

- Advertisement -

DUNA COMENTARIO

Please enter your comment!
Please enter your name here