Home General CAO nobo a wordo firma entre  Ling & Sons Food Market y...

CAO nobo a wordo firma entre  Ling & Sons Food Market y FTA

124
0
SHARE
- Advertisement -

ORANJESTAD (AAN):  Diaranzon 1 di Juli 2020 mainta a tuma luga e firmamento di un CAO nobo pa e empleadonan di Ling & Sons cu Federacion di Trahadonan Arubiano (FTA).

   Ling & Sons ta orguyoso di por a yega na un CAO pa dos aña mas, unda ta brinda e empleadonan e garantia di mehoranza di nan beneficionan secundario.

   Esaki ta sigura un ambiente di trabao cu ta bon y saludabel pa tur e empleadonan. Aunke Aruba ta den crisis, Ling & Sons ta para firme riba e importancia di e firmamento di e CAO nobo aki.

   Durante e crisis di Covid-19  e empleadonan di Ling & Sons sigur a sobresali pa nan dedicacion na introduci y sigui cu tur e protocolnan necesario pa asina comunidad di Aruba por a sigui haci nan compras na Ling & Sons na un manera safe. Staff di Ling & Sons semper a sa di balora no solamente nan mesun salud y pero tambe esun di nan coleganan y di e comunidad di Aruba.

    Esaki sigur ta algo di admira di e henter e staff y team di Ling & Sons- segun e CEO di Ling & Sons Omar Barrientos. Esaki ta momentonan unda nos como Compania cu tin mas di 50 aña di servicio tin di brinda e ehempel pa keda positivo y mira padilanti. Aruba ta den crisis, pero hunto nos lo sali di esaki. 

E acto di firmamento a tuma luga na Ling & Sons, unda a conta cu presencia di esun-nan cu a negocia e contrato colectivo di Ling & Sons,

    Omar Barrientos CEO, Leny Tulabot Store manager, Milca Erasmus Human Resource manager y representantenan di e trahadonan.

    Di parti di Ling & Sons-  Omar Barrientos, – Chief Executive Officer a firma e contracto cu Hubert Dirksz, presidente di FTA y Hose Figaroa di FTA, di parti di e empleadonan a firma e shop stewardnan Gina Rasmijn y Josephine Hopmans. Tur partido envolvi a gradici e negociadonan di e CAO.

- Advertisement -

DUNA COMENTARIO

Please enter your comment!
Please enter your name here