Home Policial Bastante negoshi a haya boet pasobra nan no ta cerando porta pa...

Bastante negoshi a haya boet pasobra nan no ta cerando porta pa 11:00 pm

672
0
SHARE
- Advertisement -

ORANJESTAD (AAN): Dialuna anochi durante conferencia di prensa di Gobierno, e Halto Comisario interino Vanessa Kock a hiba palabra pa splica con varios negoshi ta hayando boet pasobra nan no ta cerando nan porta pa 11:00 pm.

   Kock a indica cu manera ta conoci, e weekend cu a pasa, e Taskforce a subi caya cu su intencion pa haci control riba negoshinan y check e horario di cierre di 11:00 pm.

   Manera ta conoci, e Decreto Ministerial cu ta indica cu tur negoshi tin di cera 11:00 pm, keto bay ta na vigor.

   Kock a subraya cu e control di e Taskforce a sorprende hopi negoshi, pues nan a traha basta procesverbaal.  E boetnan aki ta demostra cu hopi negoshi cu ta trahando anochi, ta lubida cu pa 11:00 pm ya caba e portanan mester ta cera.

   Halto Comisario interino a bisa tambe cu a haci control riba trafico unda hopi hende a haya boet, principalmente pa violacion di ley di trafico.

   Toch e top funcionario di Polis a indica cu el a nota cu tabatin hopi negoshi cu si ta cumpli debidamente cu e horario di cierre di 11:00 pm.

   Kock ta manda gradici e Taskforce cu a haci nan esfuerzo, y a mustra cu e lo keda operacional!  Nan lo sigui haci control na eventonan unda tin hopi hende, pa asina controla si tur hende ta atene na reglanan di distanciamento social y reglanan sanitario.

   CASO NA BALLROOM:

   Den De La Sallestraat tin un negoshi cu yama “The Ballroom” unda den fin di siman tabatin un aglomeracion di hende eynan.

   Riba esaki, Halto Comisario interino Kock a bisa cu berdad di parti Polis a traha cu diferente ley, apart di e Decreto Ministerial.  Esaki ta e ley cu ta trata permiso.

   Den e caso aki, un miembro di Cuerpo Policial a bay check si tin permiso pa e fiesta.  Esey ta e motibo pakico Halto Comisario interino Kock a tuma e decision pa cera e lugar e momento ey.

   Pasobra aworaki ainda Aruba ta den crisis y ta trahando bao di e ley di calamidad, y ta keda papia di e Decreto Ministerial cu ta keda esun vigente pa e leynan cu ta wordo stipula.

- Advertisement -

DUNA COMENTARIO

Please enter your comment!
Please enter your name here