Home Policial Awor atraco riba cas na Aruba ta socede hasta den oranan di...

Awor atraco riba cas na Aruba ta socede hasta den oranan di madruga

693
0
SHARE
- Advertisement -

ORANJESTAD (AAN): Tabata Diabierna madruga cu autoridadnan a wordo informa cu algo serio a socede pariba di brug, y inmediatamente diferente unidad di Polis a start cu investigacion.

   E yamada a drenta alrededor di 3:00 am, cu un atraco a caba di socede na un cas na Cura Cabay.

   Inmediatamente unidad di Polis di San Nicolas a mobiliza pa e area.  Ora cu nan a yega na e cas di dos piso, a bin topa cu e victimanan tur spanta, y mesora a duna informacion na Polis.

   A ser mustra, cu ta un solo atracador a bay den e cas, y a sorprende e habitantenan.  E persona aki tabatin un cuchiu grandi den su man, y aki a exigi pa nan dune placa.  E atracador ta un homber y e tabata tabata papia den idioma ingles.

   Na final el a baha na awa, y a bay cu un Tas cu ta contene placa tambe.

   Mesora descripcion a wordo duna na Polis.  Victimanan no sa si acaso e atracador a bay na pia of den auto.

   Polis di San Nicolas a duna descripcion di e persona pa demas instancianan riba caya.  Oficialnan hudicial di Atraco Team,como tambe personal hudicial forensico di BFTO a presenta pa tuma vingerprint y demas prueba.

   Pa asisti e famia den nan susto, personal di Slachtofferhulp tambe a yega pa asina trankiliza y yuda e famia.

   Vocero di Polis Lito Lacle, ta haci suplica na comunidad, pa cualkier persona cu a por sa algo, of cu a mira loke a pasa na e cas aki na Cura Cabay, pa yama Tipline di Polis na 111-41.

- Advertisement -

DUNA COMENTARIO

Please enter your comment!
Please enter your name here