Home Hudicial Awe sentencia ta cay pa grupo cu a haci cantidad di asalto...

Awe sentencia ta cay pa grupo cu a haci cantidad di asalto arma

136
0
SHARE
- Advertisement -

Fiscal a exigi: 6, 8, 11 y 14 aña di prison

ORANJESTAD (AAN): Awe e sospechosonan ta: T.P., A.B., N.S., S.F., y M.C. lo haya nan sentencia den e caso penal cu Ministerio Publico a cuminsa contra nan. Nan ta wordo acusa di tabata envolvi den 6 asalto arma entre September 2019 y October 2019. Fiscal a baha pisa riba e grupo aki.

   Durante tratamento di e caso luna pasa, hasta tabatin confrontacion entre e sospechoso. Durante tratamento di e caso, Hues a mustra cu 6 lugar, mayoria supermercado Chines, a bira victima di e grupo aki cu a drenta e supermercadonan cu arma di candela, menaza y hasta dal hende y bay cu placa.

   Fiscal a condena totalmente e asaltonan arma aki y a mustra cu tempo cu e asaltonan aki a sosode den September 2019 y October 2019, a causa hopi intrankilidad den comunidad. Ta asina cu tur e sospechosonan tin carchi di castigo. Fiscal a exigi 14 aña di prison pa T.P. y 11 aña di prison pa A.B.

   Na dado momento e sospechoso A.B. a lanta para y mustra riba e sospechoso N.S. y tabata tira palabra pa N.S. den voz halto. No a dura mucho cu N.S. a lanta para y a cuminsa grita A.B. E tension tabata hopi halto y por a mira cu nan a cuminsa haci movecion pa bringa cu otro. E momento ey, tur e miembronan di CEA a bay dilanti pa para e confrontacion aki.

   Fiscal a sigui y a exigi 14 aña di prison pa T.P., 11 aña di prison pa A.B., 8 aña di prison pa S.F. y M.C., 6 aña di prison pa N.S. Awe mainta sentencia ta cay y DIARIO lo informa lectornan tur loke a sosode den sala di Corte di Husticia di Aruba.

 

- Advertisement -

DUNA COMENTARIO

Please enter your comment!
Please enter your name here