Home Impuesto Awe por busca plach’i number di aña 2020 den forma di Drive-Thru

Awe por busca plach’i number di aña 2020 den forma di Drive-Thru

99
0
SHARE
- Advertisement -

Lo otorga e plachinan A-50001 te cu A-65000

ORANJESTAD (AAN) – Departamento di Impuesto (DIMP) ta participa cu e otorgamento di plach’i number 2020 na publico en general ta sigui awe diasabra, dia 11 di juli 2020, den forma di Drive-Thru. Clientenan cu tin e number A-50001 te cu A-65000 ta keda invita pa pasa libremente y busca e plachinan di number.

E DIMP Drive-Thru lo ta riba e parkeerplaats di e oficina principal na Camacuri y lo start 9 or di mainta y lo termina pa 1 or di atardi (nonstop). Ta pidi tur cliente pa tene cuenta cu e documentonan rekeri. Esakinan ta e comprobante di pago original di DIMP y un polisa di seguro vigente.

Departamento di Impuesto ta enfatisa cu e servicio di Drive-Thru ta solamente pa otorgamento di plach’i number 2020.

Pa tur otro asunto cu no ta regarda otorgamento di plachi, manera pago of registracion di vehiculo di motor lo mester acudi den siman sea na oficina principal na Camacuri of un MFA, cerca e caheronan durante nan orario di custumber.

 

DIMP Drive-Thru

Departamento di Impuesto ta pidi pa tene bon cuenta cu e Drive-Thru lo ta accesibel solamente via e caminda Avenida Milio Croes (bira na altura di e tire shop), drenta Rumbastraat. Aki ta sigui un ilustracion importante.

Ta pidi tur cliente pa tuma bon nota di e participacion aki y ta pidi esnan cu nan plachi tin e number menciona pa haci uzo di e oportunidad. Si bo plach’i number no ta na turno, no preocupa, lo sigui parti e plachinan A-50001 te cu A-65000 durante e siman venidero tambe di dialuna te cu diahuebs conforme e orario: 7:45 – 11:30 am y 1:15 – 5:00 pm.

- Advertisement -

DUNA COMENTARIO

Please enter your comment!
Please enter your name here