Home Politica Atan Lee a nota cu Benny Nisbet a lubida cu PPA a...

Atan Lee a nota cu Benny Nisbet a lubida cu PPA a vota contra Status Aparte

286
0
SHARE
- Advertisement -

Reaccion

ORANJESTAD (AAN): E ciudadano Atan Lee Sr. di Movimento Futuro pa un Aruba Nobo, a reacciona riba declaracion di Benny Nisbet di PPA riba asunto di Gemeente.

   Segun Lee, Benny Nisbet ta lubida cu el a vota contra Status Aparte, cu su Partido PPA a manda Riot Comando, cu su partido hunto cu Prome Ministro Juancho Evertsz tabata kier a hinca Aruba hunto cu e resto di Antiyas den un Independencia cu one man one vote?

   Atan Lee a splica cu aki si Benny bon documenta a lubida cu su partido PPA semper tabata na fabor di un federacion, e ta e unico cu a vota contra Status Aparte, su Ministro di Justicia di e tempo ey, señor Leo Chance a manda Riot Comando pa kibra e lucha di nos pueblo.

   El a sinti dushi ora cu den entrada di Status Aparte el a bira Ministro y a cuminsa disfruta di un pension miyonario cu apenas 45 aña di edad, mas un cantidad na overbruggingstoelage, su pension mester ta riba 40.000 Florin pa luna? Benny, esey ta biba lubida.

   Ta tristo cu e ta bin cu un cantidad di argumentonan hasta cu den un Gemeente nan por kita nomber di un pais of isla, manera p.e. Bonaire nan lo bay yame Flamingo y su Aruba bira un Gemeente nan por cambia e nomber pa Eagle Beach.  Ridiculo, muchachada, opinion di un di e politiconan elite di nos pais cu hamas lo bin na un posicion, peor den un Gemeente. PPA a muri hopi aña pasa caba y ta Benny mes a caba cune.

   Segun Lee, pueblo den e dianan aki tur e partidonan grandi ta culpa otro di a bende nos autonomia, nos Status Aparte, nan mes ta culpa otro di corupcionnan y mal uso di poder, si nan mes cu ta den Parlamento ta culpa otro di e forma aki, anto pueblo por imagina cuanto abuso di poder a tuma lugar durante 34 aña di Status Aparte.

   Politiconan elite tin miedo di un Gemeente, debi cu nan lo ser bon controla door di Hulanda. Politiconan cu hiba nos pais den un pobreza total.

   Si tur Gobierno despues di Status Aparte no a abusa di e pueblo, horta nos placa, bira miyonario, awe nos pais por ta e Monaco den Caribe. Mal gobernacion, ladronicia, corupcion, fabornan politico na famia y amigo a hiba nos den un pobreza total, un pobreza cu Aruba no tin placa, famianan pober, dolor pa bisa, pero muchanan cu no tin cuminda pa come tur dia.

   Di un pais poderoso riba tereno di turismo, pa un pais pober sin placa, sin Hulanda nos no por hala rosea y riba dje politiconan influente den cierto partidonan kier pa nos bira independiente, perdiendo nos paspoort Hulandes.

   Tur ta contra Hulanda, ta critica Hulanda, pero ta orguyoso di e paspoort Hulandes y tambe ta danki na Hulanda cu awe ainda nos por hala rosea.

Claro cu Hulanda no por confia politiconan cu a probecha di tur porvenir cu e pais aki a trece cune, ta solamente un man yen di politiconan elite miyonario a probecha di esaki.

   Si bo papia di 8 biyon na debe no ta coi loco, ningun Gobierno por soluciona esaki, ni cu nan traha di dia y anochi,

   Salbacion di nos pais ta un bijzondere Gemeente, cu hendenan capacita, cu door di tur Gobierno a ser poni un banda, pa dirigi nos pais.

 

- Advertisement -

DUNA COMENTARIO

Please enter your comment!
Please enter your name here