Home Gobierno Aruba ta pionero den e desaroyo di e ‘DVG Health App’

Aruba ta pionero den e desaroyo di e ‘DVG Health App’

47
0
SHARE
- Advertisement -

Minister Dangui Oduber  

ORANJESTAD (AAN):  Na momento cu e bishitantenan ta biaha pa Aruba ta bon pa nan ta bon informa, pa e motibo aki Departamento di Salud Publico (DVG) a crea e aplicacion oficial cu ta yama “Aruba Health App”.

             DVG haciendo uzo di innovacion y tambe cu e ayudo y cooperacion di profesionalnan a design un tremendo aplicacion.

            E aplicacion aki tambe lo yuda e turista sinti su mes mas sigur y placentero durante su estadianan na Aruba. Minister Oduber ta subraya cu Aruba ta un pionero den e desaroyo di e aplicacion aki.

            Diferente pais na mundo tin un aplicacion pa cu COVID-19 pero manera esun cu Aruba a introduci no tin, asina e mandatario a trece dilanti.

            E “Aruba Health App” ta e unico aplicacion cu ta conecta e usuario cu e laboratorio caminda e ta haya e resultado di su test electronicamente den e aplicacion.

            E aplicacion aki lo beneficia e bishitantenan den lo siguiente:

  • E lo haci e proceso den aeropuerto na yegada uno mas lihe y placentero.
  • E lo duna nos bishitantenan e trankilidad mental door di haci lo minimo contacto posibel.
  • E viahero lo ricibi e prueba di su resultado di test mas rapido y convenio.
  • E lo haya informacion di salud, number di emergencia y unda mester bay den e caso aki.
  • E lo haya e lista di negoshinan cu a aplica pa e “Health & Happiness Code”.

            Na momento cu e turista baha e “Aruba Health App” e lo ricibi tur e ventahanan aki pa asina e por disfruta di su estadianan na Aruba cu mas siguridad. Pa haci e aplicacion aki accesibel pa tur hende a dicidi di pone esaki riba tur e plataformanan manera Google App, App Store y Web App.

            Minister Oduber kier a gradici departamento di salud publico (DVG), Setar, ATA, Futura, departamento di imigracion, LabHoh pa e tremendo colaboracion y cooperacion pa logra desaroya e aplicacion aki. Aruba sigur ta un trendsetter den esaki.

 

- Advertisement -

DUNA COMENTARIO

Please enter your comment!
Please enter your name here