Home Gobierno Aruba ta deliberando cu Merca pa wak si por exclui e estadonan...

Aruba ta deliberando cu Merca pa wak si por exclui e estadonan unda e contagionan di Covid-19 ta halto

1945
0
SHARE
- Advertisement -

Minister Dangui Oduber relacion cu reapertura di frontera cu Merca

ORANJESTAD (AAN):  E aumento di casonan di Covid-19 na Merca ta keda un preocupacion aki na Aruba. No por laga esaki un banda, a pesar di e echo cu Gobierno cada bes ta bin dilanti y bisa cu e frontera cu Merca lo habri dia 10 di Juli proximo y cu e situacion ta bao control door di e protocolnan stricto cu tin ‘in place’.

Dialuna ultimo, prensa a puntra Minister Dangui Oduber un biaha mas riba e posibilidad di apertura cu Merca y el a bisa cu tur dia nan ta monitor e situacion na Merca.

El a bisa cu ta importante pa menciona cu e estado principal caminda Aruba ta haya mas  turista ta New York. New York pa e ultimo 5 pa 6 simannan caba e grado di transmision a baha.

Aruba como pais a evalua pa e asina yama ‘hot zones’ na Merca cu tin transmision cu ta subiendo. Banda di esaki a tuma contacto di Departamento di Estado na Merca pa wak si por a exclui e estadonan aki.

A agrega cu Departamento di Aviacion Civil ta bezig cu esaki pasobra den Merca mes tin cierto estadonan cu a exclui cierto estadonan pa viaha entre nan. Na Aruba ta bezig ainda cu gobierno mericano pa wak si nan ta duna ‘green light’  pa esaki y pa na Aruba tambe exclui e estadonan caminda e contagionan ta sumamente halto na e momentonan aki, e mandatario a splica.    

Sinembargo, te na e momentonan aki, gobierno di Aruba ta mantene na e decision cu a wordo tuma pa habri e frontera cu Merca dia 10 di Juli proximo. E mandatario a bisa cu si no ta bira 10 di Juli, e ta bira 1 di Augustus of 10 di Augustus, 10 di September of 10 di October.

Pero loke e kier bisa ta cu mester ta realistico y conforma na e echo cu Covid-19 no ta bay disparce.

Finalmente, el a reitera cu diariamente ta monitor e situacion y si ta sinti cu no ta responsabel pa habri e frontera, lo haci un re-evaluacion. 

- Advertisement -

DUNA COMENTARIO

Please enter your comment!
Please enter your name here