Home General Aruba si tin un portfolio hopi grandi di debenan y pesey no...

Aruba si tin un portfolio hopi grandi di debenan y pesey no ta bay haya ningun trato preferencial  

152
0
SHARE
- Advertisement -

Contrario na Corsow y Sint Maarten:

*No ta bay tin schuldsanering pa Aruba

ORANJESTAD (AAN):  Den caso cu Aruba drenta den e Rijks Financieel Toezicht (RFT), kico esaki lo nifica pa Aruba?

Basicamente, 80% di e contenido di e RFT ta para den Laft (Landsverordening Aruba Financieel Toezicht) cu excepcion di un par di temanan grandi cual ta e normanan cu tin cu cumpli cu ne, algun tipo di procedura y e echo cu no tin un ‘vaste inscrijving’, asina Director di Departamento di Finansas, Derrick Werleman a indica.

Esaki kiermen cu ta haya acceso na tasa di interes preferencial, pero no pa tur prestamo.

Werleman a splica cu mester tene na cuenta cu RFT ora a wordo introduci na Antillas e tabata parti di un pakete caminda cu tur e debenan existente di e entidad antillano hulandes a wordo cumpra door di Hulanda.

No tin un portfolio di debenan na Corsow y na Sint Maarten cu ta bin ta caducando y cu lo mester refinancia of paga bek. Nada mas lo mester cera prestamo pasobra cu bao di e reglanan di e ley, si tin cu haci inversion, esey so ta haya, placa presta contra condicionnan preferencial. Pero no pa financia deficit, a remarca.

Esaki, pa Aruba ta nifica cu Aruba si tin un portfolio hopi grandi di debenan. Aruba no ta bay haya ningun trato preferencial riba e portfolio di debenan actual.

Gobierno a haya e conformacion aki riba diaranson mainta durante un reunion cu Ministerio Hulandes di Asuntonan Interno di Reino riba e tema aki.

 Nan a confirma cu no ta bay tin schuldsanering (saneamento di debe), entre otro. Basicamente e stock di debenan cu mester wordo financia door di Aruba cu ta bay caduca den e añanan cu ta bin ta keda pa Aruba mes financia riba mercado.

Eynan no ta bay tin un bentaha di interesnan mas abao, pasobra si ta bay refinancia e debe y si e debe tabata 6%, e ta keda 6% sin tin suerte. Nada mas e debe nobo, cu ta bay ta prestando aworaki pa e plan di inversion ta bay ta contra tasa di interes preferencial, actualmente na cero, pero den e legislacion e ta mara na e tasa di financiamento cu gobierno hulandes ta haya, a indica.

Tur esaki kiermen cu tin acceso limita na prestamonan preferencial.

E parti menos bon di esaki, a sigui bisa ta cu e normanan cu a wordo scogi no ta e mesun normanan cu ta aplicabel pa Corsow y Sint Maarten.

Den e situacion di Aruba no por aplica e norma aki pasobra esey lo implica cu debe lo ta menor. Loke a tuma lugar ta cu a copia basicamente e mesun normanan cu tabata existi prome cu Covid-19, ora cu tabata tin un cuota di debe rond di 75% y ta bay aplica aworaki, post Covid, ora cu e debe ta dispara riba 100%.

Esaki ta nifica cu e norma pa aña 2021 bay pa dilanti ta un surplus di 1% di e Producto Interno Bruto (PIB of GDP) di Aruba, tur aña. E cuota di debe, compara cu e GDP lo mester ta na 70% na aña 2027 y 50% na aña 2039.

Esaki ta implica cu practicamente Aruba lo mester cay bao di e supervision financiero te na aña 2039 tambe, Derrick Werleman di Directie Financien a duna di conoce.

E norma suave no ta wordo aplica pa Aruba den e caso aki, a agrega. 

- Advertisement -

DUNA COMENTARIO

Please enter your comment!
Please enter your name here