Home General Aruba no por keda victima di ilegalidad

Aruba no por keda victima di ilegalidad

150
0
SHARE
- Advertisement -

Situacion sumamente peligroso ta culmina na Venezuela awe

*Na luga di trece Citgo mester a busca forma di deshaci di ilegal

*Suerte d Arubianonan perdi riba lama mester ta un les pa Aruba 

ORANJESTAD(AAN)–Uno di e problemanan grandi cu e pandemia di e coronavirus nobo a causa pa Aruba y nos region ta, cu bista a kita di e problema serio na Venezuela cu ta den porta di Aruba.

Na momento cu DIARIO tabata prepara ayera pa bay imprenta, un situacion di tension mundial tabata desaroya y por tin resultado directo pa Aruba.

Mientras Merca ta prepara pa eleccion y siman pasa na prome momento Nicolas Maduro a exigi pa e representante di Union Europeo pa bandona e pais, Iran ta habri interes comercial na Venezuela, caminda e industria petrolero a paralisa completamente.

Cu cualkier momento un situacion explosivo por presenta su mes na Venezuela, no por wordo exclui.

Awor kico Aruba mester haci?

Pa resumi loke a pasa na Venezuela y kico Aruba a haci pa evita peliger grandi awe, mester bolbe na 2014 ora Venezolanonan cu por a paga pa nan sali di nan pais, a bandona e pais na forma masal.

Refugiadonan a cuminsa bandona Venezuela na forma ilegal riba rutanan maritimo peligroso.

Aruba a conoce un calamidad nobo cu a bira e refugiadonan, personanan cu a drenta Aruba na forma ilegal y cu durante fin di siman atrobe a percura pa problema na Warda Costa.

E resumen di awe pues mester conclui si Aruba por sigui atende cu e problemanan aki na momento cu e pais mester lucha pa duna su ciudadanonan mes cuminda den un situacion mundial di incertidumbre grandi cu ta afecta salud, trabou y tur loke ta bienestar di hende.

Ora bolbe den pasado, por nota cu mientras e Venezolanonan a cuminsa ta huy, Aruba a yega na un acuerdo cu Nicolas Maduro pa trece un refineria di Citgo. Na momento cu Aruba mester a cera porta efectivamente pa Maduro, gobierno Mike Eman a habri porta pa Maduro haya economia di Aruba den su man.

Kende a bini Aruba? Personanan busca door di polis na diferente pais, tabata e partnernan di combersacion di Aruba, cu a permiti cantidad di persona drenta Aruba sin bon vigilancia.

Rapportnan oficial a mustra cu no tabata tin bon prepara kende a laga drenta of no a laga drenta di Venezuela na momento cu gobierno Mike Eman a yega na un acuerdo cu Nicolas Maduro.

Por bisa cu tera fertil a wordo crea pa entrada ilegal y menasa grandi pa e siguridad nacional di Aruba ora a trece Citgo.

E peliger a sigui crece y a crea acomodacion pa personanan ilegal cu continuamente ta percura pa problema pa Aruba, cu ta mara na tur tipo di acuerdonan internacional cu ta proteha hende, menos e Arubiano manera ta parce.

Ora e Arubiano subi lama y perde rumbo, kico ta pasa? Kico ta haci cu esun cu yega costa di Venezuela?

Kico a pasa cu piscadonan Arubano cu awor a haya nan libertad despues di a wordo deteni pasobra nan a perde riba lama?

Ora resumi tur peliger cu tin directamente pa Aruba, mester confirma cu e bienestar di e Arubiano ta na prome luga.

Warda Costa no por fungi mas como luga pa warda ilegal. Aruba tin suficiente motibo pa preocupa pa un aumento di criminalidad a base di e situacion economico provoca pa e coronavirus.

Esaki ta nifica cu na momento cu detene un persona indocumenta, e mester bandona Aruba.

Fronteranan tabata cera. Awor fronteranan a habri y prome paso mester ta deshaci di mas problema pa Aruba, cu na prome luga mester mira e bienestar di e Arubiano.

Awe Aruba mester vigila e situacion na Venezuela. Un situacion explosivo. Aruba mester mira pa su mes y yuda su mes den situacionnan sumamente dificil y peligroso cu hamas e pais a pensa cu e mester a enfrenta.

- Advertisement -

DUNA COMENTARIO

Please enter your comment!
Please enter your name here