Home Gobierno Aruba Fair Trade Authority ta bira un realidad pa medio di e...

Aruba Fair Trade Authority ta bira un realidad pa medio di e ley pa regula competencia husto

28
0
SHARE
- Advertisement -

Minister Xiomara Maduro:

ORANJESTAD (AAN) – Diaranzon ultimo Minister di Finansa, Asuntonan Economico y Cultura tabata na Parlamento pa atende cu e ley pa regula competencia husto na Aruba. Esaki ta un ley cu ta mira lus dia dia despues di mas di 12 aña di preparacion.

   Ya fo’i aña 2008 a cuminsa haci e preparacionnan necesario pa e ley aki cu mester caba cu e competencia inhusto fomenta pa formacion di cartel, maluso di posicion di poder y dominancia di concentracion grandi di negoshi, na beneficio di e consumidor.

   Na 2012 a sigui cu e trabaonan y na 2013 e ley tabata cla pa wordo trata den Parlamento, pero no a yega debate publico.

    Na momento cu Gabinete Wever-Croes a drenta gobernacion a haci e trabaonan necesario pa asina e ley aki por a wordo saca fo’i lachi y pa asina e por wordo trata.

    Diaranzon mainta e ley a wordo aproba unanimamente pa Parlamento di Aruba y awor e trabaonan por inicia pa e organo di control Aruba Fair Trade Authority por bira un realidad.

    Minister Xiomara Maduro ta gradici tur hende cu a traha tur e añanan cu a pasa riba e proyecto aki y ta gradici specialmente Departamento Economico pa nan trabou incansable pa e ley aki por a keda aproba unanimamente pa Parlamento di Aruba.

- Advertisement -

DUNA COMENTARIO

Please enter your comment!
Please enter your name here