Home Turismo Aruba.com ta e hub principal di informacion pa e bishitante, socionan den...

Aruba.com ta e hub principal di informacion pa e bishitante, socionan den turismo y cualkier otro cu tin mester di informacion

14
0
SHARE
- Advertisement -

CEO di ATA ta enfatisa riba importancia pa busca e informacion corecto

ORANJESTAD (AAN):  CEO di Aruba Tourism Authority, Ronella Tjin Asjoe-Croes a duna di conoce dialuna anochi den conferencia dui prensa di e Crisis Team cu tur informacion cu ta wordo treci dilanti den e ruedanan di prensa di biaha ta wordo traduci y comparti cu mundo turistico riba diferente plataforma.

El a bisa cu ta hopi importante pa e informacion ta precis pero tambe corecto. Ta den un situacion hopi compleho, meymey di un crisis y banda di esey e informacion ta hopi, compleho y ta keda cambia of por sigui cambia conforme ta evalua kico ta necesario.

Mester ta hopi consciente di unda pa busca informacion corecto. No solamente como residente, pero tambe si tin e necesidad pa informa otronan den diferente otro paisnan, a remarca.

Aruba ta biba di turismo y mester ta hopi consciente cu hopi persona ta labora den turismo of tin contactonan internacional di hendenan cu ta buscando informacion.

Segun e CEO di ATA, tin algun punto clave. E punto central di informacion di parti di Oficina di Turismo unda por haya tur cos corecto y e ultimo informacionnan ta nan website aruba.com.

Esaki ta e hub principal di informacion pa e bishitante, socionan den turismo y cualkier otro cu tin mester di informacion, Tjin Asjoe-Croes a indica.

El a sigui bisa cu tambe tin informacion cu ta util pa residentenan of studiantenan tambe. El a enfatisa cu e punto clave di e informacion pa e localnan no ta necesariamente aruba.com so, pero mester keda bishita arubacovid19.org. Esaki ta e website di gobierno unda tambe tin informacion util pa comunidad, e ehecutivo di ATA a bisa.

ATA tambe ta riba e rednan di comunicacion social y tin hopi otro cu ta haci esfuerso pa purba informa bishitante y socionan den turismo.

 El a agrega cu e rednan social awendia tin hopi informacion riba proceduranan y tin ora ta crea confusion tambe.

- Advertisement -

DUNA COMENTARIO

Please enter your comment!
Please enter your name here