Home General Aruba Airlines ta sigura tur su pasaheronan cu protocolnan di seguridad y salubridad...

Aruba Airlines ta sigura tur su pasaheronan cu protocolnan di seguridad y salubridad ta wordo sigui estrictamente

151
0
SHARE
- Advertisement -

ORANJESTAD (AAN) – Aruba Airlines na luna di Juni, durante un proceso di mantencion rutinario, a haya su mes confronta cu un incidente unda e avion CRJ a worde accidenta y gerencia a tuma e decision inmediato di manda repara esaki na Jacksonville. 

   E avion a keda cla y dia prome di Juli Aruba Airlines a re inicia su vuelo nan pa Corsow, pa cual motibo a sali cu un delay, mirando cu e avion a yega e mainta ey mes for di Merca un poco mas laat cu anticipa.

   Un di e tripulante, den e caso aki e co piloto cu a trece e avion bek for di Jacksonville, a test positivo pa cu Covid-19 y di inmediato Aruba Airlines a tuma tur e pasonan necesario pa sigura e salud di tur su empleadonan, desinfectando e mesun dia tur e edificionan y propio avion segun protocolnan. 

    E avion ora a bin for di Jacksonville, no tabata tin pasahero.  Unabes cu a constata e caso positivo aki, e persona en cuestion a wordo isola y tur protocol fiha pa DVG a worde sigui. Danki Dios e colega ta den bon condicion di salud y na e momento nan aki ta na hospital pa observacion. 

   Aruba Airlines ta sigura tur su pasaheronan cu protocol nan di seguridad y salubridad ta wordo sigui estrictamente pa asina por garantiza e bienestar di tur su empleadonan y e pasaheronan. 

   Vuelonan programa entre Aruba y Corsow ta continua manera e itinerario normal.

 

- Advertisement -

DUNA COMENTARIO

Please enter your comment!
Please enter your name here