Home Gobierno Aruba a haya mas tempo y espacio pa sinta bek na mesa...

Aruba a haya mas tempo y espacio pa sinta bek na mesa y negocia cu Gobierno Hulandes

247
0
SHARE
- Advertisement -

Minister Dangui Oduber

Danki na presencia di Prome Minister den reunion di Conseho di Minister

ORANJESTAD (AAN): Minister Dangui Oduber a indica den un conferencia di prensa cu durante reunion di Conseho di Minister di Reino na Hulanda, manera ta conoci, Prome Minister Wever-Croes a sali diaranzon pa atende e reunion aki na Hulanda.

Segun e mandatario e reunion no tabata uno facil. Mester recorda cu Hulanda a pone 18 condicion pa Aruba haya e di 3 tranche y Prome Minister a dicidi cu tabata hopi importante pa ta presente den e reunion, considerando e hecho cu Aruba no ta di acuerdo cu condicionnan cu Hulanda a impone.

Minister a bisa cu Hulanda a reconoce e esfuersonan cu Gobierno di Aruba a haci den ultimo 3 aña pa mehora e situacion financiero, un situacion cu Gobierno actual a hereda. Minister Knops a reconoce cu Aruba ta cumpliendo cu tur condicion cu Gobierno Hulandes a pone pa Gobierno di Aruba, tanto pre-covid como despues di covid. A keda palabra cu den siguiente dianan e negociacionnan ta bay sigui.

Danki na esfuersonan di Prome Minister a logra convence Gobierno Hulandes cu argumentonan cu Aruba ta dispuesto pa negocia e condicionnan, pero no por acepta e 18 condicionnan.

Tambe ta importante pa menciona cu a yega na acuerdo pa publica tur documento y e documentonan a wordo manda pa Tweede Kamer y Parlamento di Aruba pa asina comunidad tambe por wordo informa kico exactamente ta para den e documentonan.

A logra tambe yega na un apertura cu Gobierno Hulandes, pasobra den prome instante esaki no tabata e caso.

Tabata dificil pa combence Gobierno Hulandes cu Aruba no ta di acuerdo cu e condicionnan, pero danki na presencia di Prome Minister,

Aruba a haya mas tempo y espacio pa sinta bek na mesa y negocia cu Gobierno Hulandes pa asina por yega na e mihor condicionnan di un acuerdo pa Aruba.      

- Advertisement -

DUNA COMENTARIO

Please enter your comment!
Please enter your name here