Home Gobierno Aruba a conoce un weekend basta activo na aeropuerto cu yegada di...

Aruba a conoce un weekend basta activo na aeropuerto cu yegada di 4 mil pasahero

198
0
SHARE
- Advertisement -

Cantidad di casonan positivo di Covid-19 no a cambia

ORANJESTAD (AAN):  Dialuna anochi den e conferencia di prensa di e Covid Crisis Team, Prome Minister Evelyn Wever-Croes a duna di conoce cu Aruba tin 3 caso positivo di Covid-19. E situacion no a cambia.

Un di esnan positivo a recupera y el a bisa cu e persona cu tabata den Hospital awor ta na cas recuperando.

E casonan aki tin di haber cu e vuelonan humanitario a drenta recien. Esaki kiermen cu no tin casonan extra y te cu awor tur e turistanan cu a drenta den e dianan aki nan test ta negativo, a remarca.

El a menciona cu ta bayendo bon cu e reapertura di e frontera, pero a haci un apelacion na comunidad pa tene cuenta cu tur protocolnan y mas cu tur cos corda riba e cordialidad.

2261 TURISTA DEN WEEKEND

Banda di esaki, Director di Aviacion Civil, Edwin Kelly a duna di conoce cu den weekend tabata tin tres dia di vuelo. 20 vuelo a yega for di Merca. Ta trata akinan di 2261 turista (60%). 750 test a wordo haci aki na Aruba.

Tur esaki ta nifica un total di 4 mil pasahero cu a yega Aruba den weekend, Kelly a indica.

El a indica tambe cu e proceso di screening na aeropuerto ta bayendo bon tambe. Ta tardand un promedio di  1 ora cu 13 minuut. E feedback te cu awor ta basta positivo.

Segun Edwin Kelly, dialuna tabata tin varios reunion di evaluacion pa haci por haci e proceso aki uno mihor pa e pasahero.

DEN ESPERA MAS DI 4500 PASAHERO

Ronella Tjin Asjoe-Croes, CEO di Oficina di Turismo a laga sa cu e siman aki lo surpasa e cantidad di 4500 pasahero minimo, locual ta nifica un promedio di 2700 turista of mas.

El a remarca cu mester tene cuenta cu varios aerolinea mericano ta aplicando distancia fisico den nan avionnan y esaki ta trece cu ne menos pasahero.

Lo sigui vigila di cerca, e subraya y con e situacion ta keda cambia. Tin cancelacionnan tambe a tuma lugar. Tin personanan cu no por cumpli cu e rekisitonan cu Aruba a impone. Otronan a dicidi di bishita Aruba toch.

Aworaki e tarea ta keda pa pusha e demanda di un manera responsabel, e CEO di ATA a indica.

- Advertisement -

DUNA COMENTARIO

Please enter your comment!
Please enter your name here