Home General American Airlines habriendo vuelonan poco poco pa Caribe

American Airlines habriendo vuelonan poco poco pa Caribe

111
0
SHARE
- Advertisement -

ORANJESTAD (AAN): Riba Diaranson, American Airlines a revela cu nan a cuminza cu nan vuelonan atrobe di Miami pa Republica Dominicana.

  E vuelonan aki lo ta for di Miami International Airport (MIA) pa cuatro destino na Republica Dominicana, cu ta Puerto Plata (POP), Punta Cana (PUJ), Santiago (STI), y Santo Domingo (SDQ).

   Diaranson e prome vuelo cu American Airlines a haci desde cu a stop tur vuelo na Maart debi na e pandemia di Coronavirus, a ateriza na Santo Domingo pa 1:05 pm.

   American Airlines a bisa cu nan tin un compromiso di plazo largo cu Republica Dominicana, pasobra e aña aki na ta celebrando 45 aña di operacion na e pais.  Pero toch e principal prioridad di American lo bay ta seguridad y e bienestar di e clientenan y nan equipo, y nan tin un enfoque grandi pa sigui e ultimo reglanan di expertonan di salud y autoridadnan gubernamental.  Nan kier pa e clientenan ta sinti sigur ora di viaha cu nan.

   Aworaki ainda American ta bulando na un forma limita for di Miami pa Caribe.  Nan tin ya caba vuelonan pa San Juan (Puerto Rico), St. Thomas, St Croix, y na Juni caba a cuminza bula bek pa Antigua y tambe na e dos ciudadnan na Jamaica.

   Ademas di vuelonan pa Republica Dominicana, American a reanuda tambe Diaranson vuelonan for di Miami pa cuatro isla mas den Caribe, incluyendo Port-au-Prince (Haiti), Eleuthera (Bahamas), Georgetown (Bahamas), y Nassau (Bahamas).

   Den proximo dianan, American Airlines tin planea tambe pa start bek nan servicio di Miami pa Aruba, tambe pa Providenciales (Turks and Caicos), St. Lucia, St. Maarten, y St. Vincent.

 

- Advertisement -

DUNA COMENTARIO

Please enter your comment!
Please enter your name here