Home Policial Aglomeracion ta garantia pa contaminacion

Aglomeracion ta garantia pa contaminacion

168
0
SHARE
- Advertisement -

Alto Comisario Interino di KPA, Vanessa Tjon-Kock

*E weekend aki Task Force lo haci diferente control

ORANJESTAD (AAN): Alto Comisario Interino di KPA, Vanessa Tjon-Kock a cita palabranan di su colega den Crisis Team, señora Sharline Koolman a bisa cu ‘aglomeracion ta garantia pa contaminacion’.

Mirando un analisis cu Crisis Team a haci, e fin di siman aki lo tin por lo menos 18 actividad na Aruba, den horanan di merdia te cu anochi laat. Esaki ta pone cu nan mester adapta maneho pa loke ta trata aglomeracion y permisonan di diferente localidad.

E Task Force, consisti pa KPA, DOW, DVG y Brandweer cu a yega na un maneho pa ta mas estricto cu controlnan riba distancia social do 1.5 meter, manera cu a wordo stipula door di Salubridad Publico.

E aglomeracion cu nan ta ripara den ultimo simannan, y sigur pa e siman aki no ta diferente, siguridad di e localidadnan cu ta organiza actividadnan den nan localnan, y permiso en general.

Segun Alto Comisario, hopi biaha ta haya reaccion di e localidadnan, cu tin parti di nan permiso. Nan no a haci cambio riba e permiso, pasobra esaki tabata stipula na momento di otorga e permiso na e doñonan di establecimentonan. E weekend aki Task Force lo haci diferente control y esaki lo ta entre otro, aglomeracion. Cuanto persona ta den establecimento na momento di e actividad, siguridad di e lugar, distancia social. Mayoria di e localidadnan aki ta haci uso di musica pa entretene publico.

E actividadnan ta bay sigui tuma lugar, pero ta garantiza cu ta bay tin un control estricto riba esaki.

E control ta nifica cu na momento cu e Task Force ta drenta den e localidad, nan por acerca e doño di e establecimento pa bisa cu esaki no ta cumpli cu e reglanan stipula den decreto ministerial. Esaki mester ta bon cla tanto pa Polis como otro instancianan kico nan ta bay controla.

KPA ta al tanto cu ta bay tin discusion, pero ta bon pa indica na tur doño di establecimentonan cu e controlnan ta bay ta hopi serio. Departamentonan lo instrui riba cierto puntonan, manera si e lugar ta sigur dependiendo di e cantidad di persona cu ta aden.

Den caso cu un lugar no ta mantene nan mes na advertencia of reglanan, nan por haya un multa y KPA ta autoriza pa duna e multa aki. Den caso cu e situacion sali completamente for di man, nan lo cera e localidad.

Fuera di e controlnan aki, KPA ta keda cu nan tarea principal, cu ta mantene orden publico. Lo tin control di trafico pa loke ta trata consumo di alcohol. Nan ta hopi conciente, cu den fin di siman, durante e actividadnan aki, uso di alcohol ta masha hopi mes.

Alto Comisario Tjon-Kock ta pidi pa comunidad pa ta mas conciente, na momento cu ta bay haci uso di alcohol, pa tene na cuenta con bo ta comporta den caminda publico.

Pa loke ta trata horario di ciere, el a enfatiza cu esaki no a cambia. E ta keda 11’or di anochi. Esey ta nifica cu Cuerpo Policial lo ta controlando aglomeracion y distancia social despues di horario di ciere. Atene na reglanan pa no haya bo mes confronta cu problema cu autoridadnan.    

 

- Advertisement -

DUNA COMENTARIO

Please enter your comment!
Please enter your name here