Home Hudicial Abogado a puntra Fiscal si tabata necesario pa cera su clientenan pa...

Abogado a puntra Fiscal si tabata necesario pa cera su clientenan pa doblamento di un plachi di number

3174
0
SHARE
- Advertisement -

Caso di pareha Mansur deteni

ORANJESTAD(AAN): Diaranzon DIARIO a entrevista abogado Chris Lejuez, kende ta representa e pareha Mansur cu a wordo deteni, despues cu nan a bay na cas di un homber Curasoleño di 68 aña den bario di Opal, cu lo tabata purba di acerca nan yiu via Facebook Messenger.

   E homber di 68 aña a manda diferente mensahe pa e dama hoben di 18 aña.   Mensahenan cu ta bay den direccion di stalking y mas na man di un homber perverso.  E mucha muher no a gusta y a conta su mayornan, di cual nan fuse a bula.

   ACTITUD RARO:

   Segun Abogado Lejuez, loke a pasa ta cu e mesun homber aki tabatin un confrontacion algun rato prome cu e famia.

   Nan tabata dilanti di un Supermercado pa haci compras y algun a bay paden.  Diripiente e mesun homber di 68 aña a reconoce e vehiculo di e mama di e dama hoben staciona den parkinglot.

  E homber a para su auto, saca su smartphone, y a cuminza haci grabacion di video canando rond di e vehiculo.   E homber tabata haciendo esey, sin sa cu tin hende sinta den e vehiculo!  E vehiculo tin tinted-windows, pues e homber no sa cu e ta grabando y hendenan sinta paden ta mire claramente.

   E homber a spanta, ora cu diripiente porta a habri, y e dama a sali reclama e homber di 68 aña riba su actitud di stalking.  E homber a defende su mes, bisando cu e “no ta haciendo nada ilegal.”  El a subi su auto y bay.

   Posteriormente, ora cu hendenan a sali bek di Supermarket y drenta den vehiculo, a revela kico a caba di socede cu e homber grabando rond di nan vegiculo.

   E ora e mama y su pareha na dado momento a bay na cas di e homber na Opal pa pidie pa e stop di acerca e yiu muher, pa e lage na paz.  Ora cu nan a yega, nan a bay y bati fuertemente riba porta di e cas.  E no a contesta.  E ora nan a bati na un bentana chikito cu tin na banda.  Pero e glas ta uno fini, y den e batimento pa sorpresa di nan, esaki a kibra.

   Pareha Mansur a indica cu na ningun momento nan a maltrata e homber di 68 aña di edad.

   Den rabia, e mama na dado momento a pasa patras di e vehiculo di e homber, y a dobla e plachi di number di auto.

   Pesey Abogado Lejuez a puntra e Fiscal cu ta atende cu e caso si di berdad tabata necesario pa cera su clientenan pa dobla un nummer plaat.

   E abogado a splica tambe cu tin indicacion cu e homber a acerca otro mucha muher hoben tambe na mes manera.  Riba Facebook por a lesa tambe di algun hende cu ta indica cu cada rato Waitress na Hotelnan ta wordo molestia na forma inconfortable door di e homber di 68 aña aki.

   Despues di a keda encarcela pa 1 dia, riba Diaranzon atardi a pareha a wordo laga den libertad y den un entrevista nan a splica cu ta inhusto cu nan a wordo deteni pa purba di defende nan yiu.

   Nan ta boga pa cierto leynan wordo cambia pa Parlamento.  Pasobra nan cu ta purba defende nan yiu a wordo encarcela, y e homber perverso mes ta liber.  Toch nan ta contento y orguyoso di loke nan a haci.

   Mama di e mucha muher a bisa cu ta fastioso pa bay cera, pero un mama ta haci tur cos pa defende su yiu.

   Riba potret por mira Abogado Lejuez, y tambe por mira e publico di hende cu Diamars anochi a bay para pafo di Warda di Polis pa expresa nan sosten pa e pareha.

- Advertisement -

DUNA COMENTARIO

Please enter your comment!
Please enter your name here