Home General Zuid Africa tin retraso di como 100.000 test haci pa Covid-19

Zuid Africa tin retraso di como 100.000 test haci pa Covid-19

24
0
SHARE
- Advertisement -

ORANJESTAD (AAN): Informacion for di Johannesburg ta indica cu Zuid Africa tin un retraso di casi 100.000 test pa e Coronavirus nobo cu no a wordo procesa ainda.  Esaki ta un ehemplo palpable di e scarcedad doloroso di kitnan di test cu tin riba henter continente Africano, mientras cu casonan positivo ta sigui crece.

   “E reto aki ta causa pa e cantidad limita di test-kits rond mundo,” e Ministro di Salud a declara.  El a bisa cu Dialuna, e retraso ta na 96.480 test.

   Prioridad ta wordo duna pa procesa testnan di pashentnan cu a wordo admiti na Hospital, y tambe na trahadornan den salud publico.

   Zuid Africa a haci mas test pa e virus compara cu otro paisnan na Africa.  Nan a haci mas di 655.000, y nan tin como 27.403 caso positivo.

   Un di e ultimonan cu a muri di Covid-19 na Zuid Africa tabata un funcionario di e Laboratorio Nacional di Salud.

   “Nos ta compronde cu e tragedia aki lo caba cu boso pasenshi,” e Ministerio a bisa den un mensahe, y a bisa cu Gobierno ta dedica pa manda busca mas material di proteccion pa tur esnan trahando riba veld medico.  Pasobra esey tambe ta algo cu ta scars riba henter continente Africano.

   Mas di 3.400 trahador di salud publico riba e continente a wordo contagia te cu siman pasa, segun World Health Organization.

  E scarcedadnan, specialmente den material pa haci test y procesa nan, a pone autoridadnan Africano cuminza confronta realidadnan incomfortable.  Paisnan mas rico ta logra di haya tur material, y nan mes ta keda sin articulo crucial.

 

- Advertisement -

DUNA COMENTARIO

Please enter your comment!
Please enter your name here