Home General Varios negoshi Colombiano a mantene cupo di trabao awor cu nan a...

Varios negoshi Colombiano a mantene cupo di trabao awor cu nan a cuminza fabrica Mascara di Cara

28
0
SHARE
- Advertisement -

ORANJESTAD (AAN): Cu e fabricacion di 46.300 mascara di cara, companianan di paña y tela di seis municipio na parti Noordwest di Colombia, a cuminza bek cu trabao pa supera e crisis economico, salba empleo, y aporta na e lucha contra Covid-19 cu e donacion di e elementonan di proteccion aki.

   E iniciativa a start na Bajo Cauca como parti di “Tapabocas por la Vida”, un strategia cu ta busca pa salbaguardia salud y reactiva economicamente e sector di textil den e region ey cu a wordo golpea door di violencia y ilegalidad.

   Despues cu nan a keda cera debi na e crisis di e pandemia, awor comerciantenan di Caucasia, Tarazám El Bagré, Cáceres, Nechí, y Zaragoza a start di nobo nan machine pa uni nan mes na e proyecto aki cu a wordo impulsa pa e “Alianza Avancemos Bajo Cauca” di gobernacion di Antioquia.

   Lider di e alianza, Diana Arismendy a splica cu e strategia na comienzo tabata djis pa proteha e poblacion di e virus cu e entrega gratis di e mascaranan aki, pero el a converti su mes den un oportunidad pa reactiva e sector ey na Bajo Cauca.

   Cu e trabaonan aki bek riba pia, nan a logra mantene 95 persona na trabao na seis compania.

   Prome cu nan a cuminza traha e mascarnan aki, nan mester a cumpli cu tur e protocolnan di biosecurity y a certifica nan procesonan di trabao y producto na Instituto Nacional de Vigilancia de Medicamentos y Alimentos (Invima).

    E asina yama Alianza Bajo Cauca, ta consisti di e Agencia pa Desaroyo Internacional di Merca (USAID), Mineros S.a., y Fundácion Mineros, Comfama, y Interactual.  El a wordo financia cu US$ 41.000 pa asina por a cuminza traha riba e iniciativa di produci proteccion pa salud.

  

- Advertisement -

DUNA COMENTARIO

Please enter your comment!
Please enter your name here