Home Gobierno Tur turista cu yega Aruba tin di paga $75 pa Covid-19 Rapid...

Tur turista cu yega Aruba tin di paga $75 pa Covid-19 Rapid Test y paga $15 pa dia pa Aseguro di Coronavirus

18125
0
SHARE
- Advertisement -

ORANJESTAD (AAN); Riba Diaranson 10 di Juni algun sector mas a habri como parti di Fase-3 na Aruba, e.o. awor ciudadanonan por bishita nos grandinan bek interna na casnan di cuido.

   E lockdown cu a wordo anuncia dia 13 di Maart, awor despues di 3 luna tin fecha pa habri frontera back y gradualmente poco-poco kita e lockdown.  Esey ta loke Prome Ministro Evelyn Wever-Croes a indica Diaranson anochi.

   Pa yega na e punto aki, e team na Aruba a tuma hopi ora di reunion y deliberacion, cu conseho di Aruba y tambe RIVM di Hulanda.  A sigui tur al pie de la letra, y conclui cu poco poco habri fronteranan.

   Aruba lo habri su frontera bek tambe segun Fase, y depende di cua pais e vuelonan lo bin.

   E prome ta dia 15 di Juni venidero, ora cu Aruba lo habri su Aeropuerto pa e ‘bubble ABC.  Despues riba 1 di Juli ta habri pa ricibi bishitantenan di Europa, Canada, y Caribe, cu excepcion di Rep. Dominicana y Haiti debi cu cifra eynan di contagio keto bay ta bastante halto.

  Entrante 10 di Juli 2020 lo por habri pa bishitantenan di Merca, sperando cu di e forma aki e pilar di turismo por lanta cabez back.

   Pa awor sinembargo Aruba lo no acepta ainda ningun bishitante di Centro America ni Sur America, (incluyendo Colombia), pero lo sigui monitor situacion y desaroyo di e virus na e paisnan ey.

   Encuanto cuarentena, si un hende di Aruba bin di exterior y bay den cuarentena, SVb a bisa bon cla caba kico nan posicion ta pa esey.  E situacion actual ta cu frontera ta cera.  Si un hende toch a bay exterior y ta regresa e isla, e tin di bay den cuarentena 14 dia.

   SVb a recorda tur hende cu si bo viaha y bin back, regla ta cu bo ta bay den cuarentena ora di yega back Aruba.  Pero SVb lo no paga pa bo dianan ey, pues bo no ta AO.  E ta pa bo propio riesgo.

   HOSPITAL LO YUDA CHECK:

   Aeropuerto di Aruba hunto cu Hospital a reuni y lo crea un espacio grandi net na e lugar di “Meet and Greet” den Terminal di Arrivals.  E lo ta un espacio grandi pa asina hunto cu Hospital, por hiba pasaheronan cu a yega den e espacio ey pa check temperatura, haci un entrevista chikito riba sintoma, y duna nan un rapid-test.  Pa esaki e turista tin di paga $75 pa e test.  Despues tambe e tin di tuma un Aseguro di Covid pa su estadia na Aruba.  Esaki lo costa $15 pa dia.

   Hospital a indica na Aeropuerto, cu nan ta dispuesto pa yuda cu e testnan, y nan tin suficiente capacidad pa test tur pasahero hasta den oranan peak, y percura pa keda laga e turistanan cu bon sentimento den e isla.

   Como 35 hende ta dispuesto pa yuda, pa asina fix esaki den peak-hours di avionnan yegando Aruba.  E turista lo sinti su mes safe ora e drenta e isla.

Aruba ta cla pa implementa esaki, y Aeropuerto ta cla.

   Premier Wever-Croes a bisa cu ohala por lanta e pais aki bek despues di e golpi duro cu a dal e isla na luna di Maart.  Tin hopi hende trahando riba modelo economico nobo, cu por crea un economia nobo y mas resiliente.

 

- Advertisement -

DUNA COMENTARIO

Please enter your comment!
Please enter your name here