Home General Tin establecimentonan cu no ta cumpliendo cu orario di ciere

Tin establecimentonan cu no ta cumpliendo cu orario di ciere

166
0
SHARE
- Advertisement -

A mira lugarnan habri cu yen cliente

ORANJESTAD (AAN): Gobierno a bin cu varios medida cu na caminda a wordo cambia of elimina. Un di nan cu a wordo cambia ta esun di e orario di ciere di establecimentonan.

Gobierno a permiti restaurantnan, y lugarnan cu ta bende cuminda pa haci take-way, delivery of drive thru. Tambe a bin cu un orario di ciere cu a wordo amplia y cu te awendia ta 10 pm.

Siman pasa, gobierno a permiti e establecimentonan cu ta bende cuminda pa keda habri te 10’or di anochi. Esey kiermen cu despues di 10 pm no por atende cliente.

Restaurantnan pafo tambe por a habri, pero no barnan riba nan mes. Tin barnan/lounge cu ta bende algun sorto di cuminda, snacks, platters, entre otro y cu e proposito ey nan por a keda habri.

Locual a bin ta constata ta cu den e dianan aki, cu ainda barnan no por habri, ta cu tin lugarnan cu no ta cumpliendo cu e orario di ciere. Pa colmo akinan ta trata di bar cu ainda pa 10:30 pm ta habri y ta actuando contra ley.

Lo ta bon pa Polis cuminsa pasa tira un bista despues di 10 pm y core rond pa wak cual di e lugarnan aki ta ofreciendo servicio ainda na e clientenan.

Un lector a duna di conoce cu el a pasa den e area di Wayaca y a topa un bar eynan habri 10:30 pm cu yen hende sinta den e terrace, locual no mag.

No por tin establecimentonan habri pa publico despues di 10 pm. Locual si por ta posibel ta cu e trahadornan ta paden di e lugar of ainda haciendo e lugar limpi, pero no clientenan sinta ta come y bebe.

     

 

 

 

- Advertisement -

DUNA COMENTARIO

Please enter your comment!
Please enter your name here