Home Turismo Tin algun excepcionnan relaciona cu protocolnan ora di drenta Aruba

Tin algun excepcionnan relaciona cu protocolnan ora di drenta Aruba

633
0
SHARE
- Advertisement -

CEO di ATA:

*Awe tin vuelo di repatriacion for di Hulanda

ORANJESTAD (AAN):   Diabierna anochi, CEO di Aruba Tourism Authority (ATA), Ronella Tjin Asjoe- Croes a laga sa cu awe diasabra lo ta yegando un vuelo humanitario di KLM for di Hulanda.

Durante e yegada di e vuelo aki lo tin representantenan di DVG cu lo haci test na esnan cu lo rekeri esaki. Esnan cu haci test lo haya e resultado den 24 ora, segun Sharline Koolman a duna di conoce.

Banda di esaki lo probecha pa awe tambe realisa un test di simulacion na aeropuerto pa asina verifica y repasa tur e protocolnan.

Tin un proceso online cual ta e ED Card como tambe un seguro pa e viaheronan y riba esaki Ronella Tjin Asjoe-Croes a elabora riba algun aspecto manera e excepcionnan.

Miembronan di e tripulacion di e companianan aereo no lo mester yena e ED Card online cu ta drenta Aruba. Pa nan tin otro protocolnan vigente segun Departamento di Aviacion Civil.

E declaracion di salud cu ta disponibel riba e plataforma di imigracion online  no mester wordo yena pa esnan cu ta den transito y cu no ta drenta Aruba.

Pa loke ta e test tin excepcion pa miembronan di e tripulacion di e aerolinea, muchanan bao di 15 aña, esnan cu ta pasa na Aruba pa un par di ora of den transito.

E residentenan di Aruba mester haci test, y no ta un excepcion y tambe mester bishita e plataforma di imigracion online prome cu regresa Aruba y eynan ta haya e opcion di pone  e resultado negativo of haci e test na Aruba ora di yega, a remarca.

Relaciona cu e seguro, a indica cu tin excepcion pa e tripulacion di e aerolinea; residentenan di Aruba, Corsow y Bonaire; studiantenan studiando afo (nan otro seguro si mester ta na ordo); muchanan bao di 15 aña (nan tin cu paga $10 ora di bishita Aruba (no ta mara na e duracion di nan estadia); esnan cu ta den transito of pa algun ora na Aruba; diplomaticonan y miembronan di e servicio militar hulandes.

 

SEYO INTERNACIONAL

Tjin Asjoe-Croes tambe a revela cu Aruba a ricibi e acreditacion internacional di e seyo di World Travel & Tourism Council cual ta un logro grandi ya cu ta certifica Aruba internacionalmente den loke ta cumplimento di protocolnan di entre otro higiena. Aruba ta e di dos den Caribe, despues di Jamaica, cu ta conta cu e acreditacion aki.

 

HH-Code

Tambe el a duna di conoce cu 2300 compania a registra pa haya e Health & Happiness Code (HH-Code) y e siman aki, diaranson, lo habri e registracion pa e resto di companianan y pa tur sector.

 

TAXI 

Otro siman, a bisa, e taxistanan tambe lo cuminsa haya nan seyo y informacion cu mester wordo poni den tur taxi y cu ta confirma cu nan ta cumpli cu tur e protocolnan.

 

 

 

 

- Advertisement -

DUNA COMENTARIO

Please enter your comment!
Please enter your name here