Home Tempo Temporada di Horcan 2020 a cuminza y planificacion ta esencial

Temporada di Horcan 2020 a cuminza y planificacion ta esencial

118
0
SHARE
- Advertisement -

ORANJESTAD (AAN): Awe Dialuna 1 di Juni, temporada di Horcan 2020 pa Region Atlantico di Horcan (parti nort di Oceano Atlantico, Laman Caribe y Golfo di Mexico) ta cuminza oficialmente. E temporada aki lo termina atrobe riba 30 di November.

   E cantidad di ciclon tropical cu a forma aña pasa den e region aki tabata cu 20 ciclon Tropical, di cual 18 a haya nomber, aunke hopi tabata debil y no a biba hopi, specialmente na final di e temporada.  

   Tabatin seis Horcan di cual tres a bira Horcan fuerte.  Aña 2019 tabata e di cuatro aña consecutivo cu a haya mas tormenta cu promedio, y a empata cu 1969 como e temporada mas activo di Horcan cu record di maltempo cu a haya nomber.

   Durante 2019, ningun Tormenta Tropical of Horcan a pasa cerca di islanan ABC.

   E nombernan pa ciclonnan tropical den Region Atlantico na 2020 ta: Arthur, Bertha, Cristobal, Dolly, Edouard, Fay, Gonzalo, Hanna, Isaias, Josephine, Kyle, Laura, Marco, Nana, Omar, Paulette, Rene, Sally, Teddy, Vicky, y Wilfred.

   Pronosticadornan ta anticipa un temporada di Horcan 2020 cu un cantidad promedio di tormenta tropical y Horcan.  E pronostico ta entre 13 pa 19 tormenta cu lo haya nomber, di cual 6 pa 10 lo por bira horcan, incluyendo 3 pa 6 horcan grandi di Categoria 3, Categoria 4, of Categoria 5.

  Un bon planificacion ta esencial pa limita daño personal y daño material!

   Pesey mes DIARIO a tuma nota cu personal di DOW a cuminza haci rooinan, y demas spulado limpi.  Ohala cu prome cu Awacero Grandi yega, cu pueblo lo no bay tira sushi eyden atrobe. 

    Pasobra e consecuencia lo bay ta grave pa pueblo mes.  Ban yuda mantene e rooinan aki limpi.  Si acaso bo mira cu tin un obstaculo na cierto lugar, por fabor notifica DOW na tempo pa asina atencion wordo tuma na dje.

 

- Advertisement -

DUNA COMENTARIO

Please enter your comment!
Please enter your name here