Home General Suplica pa esnan cu tin Rancho of Pier pa tene nan area...

Suplica pa esnan cu tin Rancho of Pier pa tene nan area limpi

139
0
SHARE
- Advertisement -

ORANJESTAD (AAN): E pandemia di Coronavirus cu a afecta henter mundo, a siña tur hende un les.  E no ta djis un indicacion pa publico retira for di e mundo natural, pero mas bien pa nos bira un mihor protector di dje.

   Tin hopi hende ainda riba e planeta aki, cu no ta mira e importancia pa defende naturaleza.  Y aworaki lidernan mundial, expertonan, y hasta organizacionnan di Nacionnan Uni y tambe WHO, ta pidi pueblo pa cuminza pone mas tino riba proteccion di naturaleza.

   Pueblo tin di stop di tira culpa na naturaleza, y core ‘fix’ e problema door di roza tereno, benta sushi, of contamina teranan cu nunca mas lo recupera.

   Awor cu tin asina hopi atencion relaciona cu naturaleza di Aruba, ta bon ora pa instancianan concerni bin cu stipulacion pa esnan cu tin nan Pier of Rancho cerca di lama, pa cuminza haci e lugarnan aki limpi.

   Increible pa mira cuanto cos tin benta den lama, y dia pa dia e ta empeorando comosifuera ta algo ‘normal’ e ta.  Realmente e ta mahos bista, mal propaganda, y alavez ta crea contaminacion.

 

- Advertisement -

DUNA COMENTARIO

Please enter your comment!
Please enter your name here