Home General Straño cu Fundacion Nos Ta Aruba a kere cu ta via destaho...

Straño cu Fundacion Nos Ta Aruba a kere cu ta via destaho publico ta otorga tereno riba e isla

55
0
SHARE
- Advertisement -

ORANJESTAD (AAN): Tabata Diamars mainta, cu e ciudadano Otmar Oduber a tene un conferencia di prensa pa desbarata tur e ponencianan cu Fundacion Nos Ta Aruba a haci den un denuncia entrega contra ex-Ministro.

   Fundacion na encargo di Michael Williams, a entrega un denuncia acompaña pa algun bijlage, cu tin nada concreto poni den dje, pues djis redashi y ningun documento oficial.  Pa colmo tin algun acusacion poni, cu facilmente por verifica via otro instancia oficial riba e isla, y bo ta haya sa cu nan no ta cuadra cu realidad.

   Oduber a contesta cada 9 punto den e denuncia aki, uno-pa-uno, pa asina mustra con facilmente cada acusacion por wordo considera como nonsense.  Pesey mes el a indica cu e lo bay entrega keho tambe contra e denuncianan falso aki.

   PUNTO SEIS:

   E punto number 6 di e denuncia di Fundacion Nos Ta Aruba, ta cu Otmar Oduber no a laga e proceso di Three Rivers Real Estate cu ta un Hotel di 900 camber na San Nicolas, “pasa via un Destaho Publico.”

   Oduber a keda babuca cu esaki, y e no sa unda e hendenan di Fundacion Nos Ta Aruba ta biba, pero hecho ta cu hamas den historia di e isla aki a conoce 1 tereno comercial cu a wordo pasa of duna via un destaho publico.

   Aruba su terenonan ta wordo otorga a base di leynan cu tin pa cu uitgifte di tereno, y rekesito cu nan tin di cumpli cune, mescos cu tur otro hende of Hotel, y no tabata excepcion pa e grupo aki.

   E unico diferencia pa e grupo di Three Rivers Real Estate ta, cu a haci un scrutinacion mas profundo compara cu tur otro Hotel of Compania cu a inverti na Aruba, y a hasta pasa den screening fuerte di Banco Central di Aruba, como tambe VDA Veiligheidsdienst Aruba, pa despues por a haya e permiso necesario y a duna pueblo e trankilidad mas grandi cu e proyecto aki a haya e screening completo y a haya aprobacion di tur instancia.

   Fundacion Nos Ta Aruba ta pintando Otmar Oduber como un persona hopi poderoso, siendo cu awor ta sali na cla cu esey no ta e caso.  Segun Oduber, esey ta e parti di fabulanan cu ta wordo crea.  Realidad ta cu tur screening necesario a wordo haci prome cu e proyecto aki por a start.

   E mes personalmente ta hopi contento cu e Hotel lo bay wordo desaroya pa asina porfin San Nicolas por haya un berdadero pilar economico.

 

- Advertisement -

DUNA COMENTARIO

Please enter your comment!
Please enter your name here