Home General Sindicato SIWA ta suplica pueblo pa bay paga nan cobranza di awa

Sindicato SIWA ta suplica pueblo pa bay paga nan cobranza di awa

143
0
SHARE
- Advertisement -

Evita di hinca bo mes den problema

ORANJESTAD (AAN): Recientemente despues cu Sindicato SIWA cu ta representa trahadornan di WEB Aruba NV a tene un reunion cu e compania, nan a bin tuma nota di loke e vocero di e compania a declara.

   Ricky Henriquez di Sindicato SIWA a mustra cu nan ta bao di e impresion cu e estado financiero di e compania aworaki ta grave!  Pa colmo tin hopi cliente cu no ta pagando nan cobranza di awa e dianan aki.

   Si esey sigui socede, ta mas cu logico cu e compania lo no por tin placa pa cumpra Fuel Oil y demas material pa por run e planta.

   Hecho ta cu den ultimo lunanan, WEB Aruba NV a baha gastonan operacional masha hopi mes.  Ainda riba esey tin un credit line y cierto reserva cu nan ta usando pa asina purba yega mas leu.  Pesey awor WEB Aruba NV a bay den un campaña pa clientenan na Aruba cumpli cu nan obligacion di pago, y hasta trata na yega na areglo di pago, pa asina e compania por garantiza e suministro di awa y coriente.

   Henriquez di SIWA a mustra cu e calidad di produccion na WEB Aruba NV ta keda bon, pero tin di percura pa keda paga Fuel Oil cu ta bin di exterior.  Si acaso no tin placa pa esey, ta dificil pa produci coriente.

   Aunke WEB Aruba NV tin varios proyecto cu ta andando y cu lo bay reduci e cantidad di Fuel Oil cu lo importa den futuro.  Pero debi na e crisis di Coronavirus, e proyectonan aki a sufri tardanza pa sigui, y pa colmo a hasta bin e problema cu buscamento di welder experto di Dick & Doof.  Pesey setup di e proyectonan nobo aki ta tardando hopi.

   Sindicato SIWA sa cu e sugerencia di Gobierno na comienzo di e crisis di Coronavirus a bisa hendenan pa no bay paga awa ni coriente.  Pero esaki a pusha full e problema riba lomba di WEB Aruba NV.  Y awor e compania tin di tuma medidanan interno pa asina garantiza e produccion continuo di awa y coriente.

   SIWA ta mirando cu e problema ta empeora, sinembargo  tin di corda cu e prome tarea di WEB Aruba NV ta pa garantiza suministro di awa y coriente na pueblo.  Pesey Sindicato SIWA tambe ta suplica ciudadanonan pa paga nan cobranza di awa, pasobra sin esey e ta hinca e compania den problema.

   Pueblo tin di keda corda, cu esnan cu keda atras den pago no bay kere cu bo a ‘scapa’ di e cobranza ey.  E ta djis un ‘uitstel van executie’, pues ora e bin bek e lo bay forma un problema mucho mas grandi riba bo schouder.

   Ciudadanonan tin di pensa bon pa asina hunto sali di e crisis aki.

   WEB Aruba NV a stop varios proyecto cu tabata den pipeline, pero si ta sigui cu algun cu ya caba tabata andando, e.o. e 6 motornan recip, y tambe e edificio di laboratorio.

   E compania a stop cu viahenan pa awor, tambe fiestanan di fin di aña, y empleadonan ta OK cu esey.  Cierto cosnan ta duro, pero pais Aruba ta mas importante cu un fiesta pa empleado.  Esey ta djis un parti di loke a wordo para.

 

  

  

- Advertisement -

DUNA COMENTARIO

Please enter your comment!
Please enter your name here