Home Policial Sindicato di Polis a entrega manifesto na Presidente di Parlamento

Sindicato di Polis a entrega manifesto na Presidente di Parlamento

187
0
SHARE
- Advertisement -

Articulo 7 di Landsverordening ta duna espacio pa hisa e porcentahe di 5% den cortamento di salario di tur ambtenaar

*Parlamento a haya te awe 12 di merdia pa duna un contesta

ORANJESTAD (AAN):   Sindicato di Polis, hunto cu su miembronan a acudi na Wilhelmina Park diaranson atardi despues di a tene un reunion diamars atardi.

Diamars e situacion den seno di Cuerpo Policial a bira mas fastioso, ora cu un copia di e landsverordening a yega den nan man, caminda cu ta poni cu ta bay corta 5% den nan ‘bezoldiging’, asina Jose Dirks, Presidente di Sindicato di Polis a señala.

El a sigui bisa cu nan a sinta na mesa cu gobierno pa negocia y gobierno a mustra cu nan tin interes, pero loke nan tabata haci ta ‘gewoon cumpra tempo’.

Den e articulo 7 di e landsverordening aki, a agrega, e ta duna espacio na minister, cu por tuma decision pa hisa e porcentahe aki sin bay Parlamento.

Dirks a expresa cu esaki ta algo anti democratico pasobra e tarea di parlamento ta, entre otro pa controla gobierno. Si Parlamento aproba e ley aki, un bes aproba, gobierno ki ora cu kier por sigui hisa e porcentahe.

El a bisa cu e ora e situacion pa tur ambtenaar lo bay ta desastroso. Por ta otro ambtenaarnan no a ripara esaki of ora nan cobra nan lo ripara cu a kita mas cu 5% na salario. E ora nan ta bay reacciona.

Sindicato di Polis a haya un mocion diamars atardi di nan miembronan, pa pidi parlamento pa no aproba e ley aki. Pesey nan a reuni diaranson 2’or na Wilhelmina Park pa cana cay Parlamento pa entrega e carta cu e mocion di nan miembronan.

Nan a pidi tur parlamentario pa no aproba e ley aki cu lo tin consecuencia pa e polisnan y pa tur ambtenaar.

A pidi un contesta riba e carta aki pa mas tarda awe 18 di Juni pa 12’or di merdia. 

- Advertisement -

DUNA COMENTARIO

Please enter your comment!
Please enter your name here