Home Enseñanza Riba Diaranson Colegio EPI ta habri pa publico cu tur protocol pa...

Riba Diaranson Colegio EPI ta habri pa publico cu tur protocol pa e normal nobo

31
0
SHARE
- Advertisement -

ORANJESTAD (AAN): Colegio EPI ta informa e comunidad di Aruba, specialmente tur esnan cu a inscribi pa e aña escolar nobo, cu nan lo habri back pa publico entrante diaranson 3 di juni 2020.

   Colegio EPI a asigna 2 area principal pa atende cu publico, esta Open Leercentrum (OLC) y Stafbureau.

   Nan ta pidi tur cu a inscribi pa e aña escolar 2020-2021 pa acudi lo mas pronto posibel na OLC pa asina entrega demas formulario necesario pa cu nan inscripcion, manera copia di diploma, cijferlijst etc. Tambe tin e oportunidad pa haci tur otro pregunta relaciona cu e unit. Tur studiante actual di Colegio EPI tambe lo por acudi na OLC den caso cu nan tin pregunta over di nan unit.

   E schedule cu lo mester sigui pa e diferente unitnan pa e simannan nos dilanti ta como lo siguiente:

Unit S&S  – Dialuna 8:00 am – 1:00 pm

Unit ECO – Diamars 8:00 am – 1:00 pm

Unit H&T – Diaranson 8:00 am – 1:00 pm

Unit C&T – Diahuebs 8:00 am – 1:00 pm

   Pa e servicionan di nos BPV bureau, Repro y SMW ta pidi pa studiantenan haci un cita como lo siguiente:  Na BPV via [email protected] of 525-8745.

   Na Repro Center via [email protected] of 525-8702.

  Na SMWers via [email protected] of 525-8707, como tambe [email protected] of 525-8747

   E otro area principal pa atende cu publico lo ta Stafbureau (gate 02) . Aki ta mas tanto pa por ehempel studiantenan cu lo kier bin haci areglonan di pago, studiantenan pa intern beroep, of cualkier otro cos cu no tin di haber cu e unit specifico. Unico caminda cu publico lo tin acceso na dje na stafbureau ta financiele afdeling parti abou, y secretariaat y afdeling HR na di dos piso.

Lo no tin otro acceso pa nos campus cu ta e dos lugarnan indica. Tambe nos kier recorda un y tur cu Colegio EPI ta sigui e reglanan estricto di higiena y distanciamento social cu ta parti di e condicionnan pa por habri. Si asina ta desea, tur bishitante lo por bin cu su mesun mondkapje.

   Pa cualkier pregunta adicional por tuma contacto cu Colegio EPI na e siguiente numbernan di telefon: Unit S&S: 525-8770,  Unit Economia: 525-8760,  Unit H&T: 525-8781, of Unit C&T: 525-8750, y Stafbureau: 525-8721.

 

- Advertisement -

DUNA COMENTARIO

Please enter your comment!
Please enter your name here