RdA trahando pa reactiva e operacion di transshipment

    559
    0
    SHARE
    - Advertisement -

    Ta  haciendo e screening necesario di e gruponan interesa den e terminal

    *Ta bay cuminsa cu e trabaonan di inspeccion y preparacion

    ORANJESTAD (AAN):   Refineria di Aruba a indica cu dia 15 di Mei ultimo RdA a duna un resumen di actividadnan ora a tuma over e facilidad despues di e terminacion di e contract cu Citgo.

        Teniendo cuenta cu e regla nan vigente di COVID-19 na e momento ey, y considerando cu tanto FMSA y TdEA (Termina di Energia Aruba Nv)  ta ser considera companianan esencial, e reglanan vigente y protocolnan tabata ser aplica na ambos compania, entre otro opera cu un minimo di personal y asina atende solamente cu trabounan cu tawata necesario.

        FMSA a sigui cu su operacion pa distribui fuel pa e mercado local, y lo sigi haci e trabou aki como compania bou di RdA. TdEA a keda ocupa su mes di ricibi cargamento di fuel via barco y traspasa esaki pa FMSA segun e operacion normal.

        TdEA tambe ta keda encarga pa suministra e fuel pa WEB riba un operacion continuo. Ambos compania ta companianan cu ta resorta bou di RdA completamente como companianan di Gobierno y lo no tin cambio den esaki.

         Despues di a ricibi tur e ofertanan di e “fast-track-tender” pa lease capacidad di tanki, awor ta  haciendo e screening necesario di e gruponan identifica como posibel cliente(nan) pa e terminal.

    RdA lo ta e compania cu lo cera e lease contract cu e cliente(nan) ora yega asina leu.

        Esaki ta premira pa sosode den e simannan nos dilanti. Mientras tanto den corto tempo lo bay cuminsa cu e trabaonan di inspeccion y preparacion pa trece e terminal bek den funcion segun normanan internacional pa por atende e prome barconan cu lo trece producto pa almacena den e tankinan parti pabou na Zeewijk.

        Na mes momento ta trahando tambe riba e proceso pa atrae partidonan interesa den rehabilitacion di e refineria y/of otro industria cu igualmente lo genera cuponan di trabou y cu naturalmente lo tin su debido impacto riba economia di Aruba. E proceso ta premira cu lo tuma un tempo mas largo pa concretisa.

        Segun cu e proceso ta desaroya RdA lo sigui informa Aruba debidamente.

     

    - Advertisement -

    DUNA COMENTARIO

    Please enter your comment!
    Please enter your name here