Prueba pa autoridad cu Gobierno Eman a viola ley!

    1179
    0
    SHARE
    - Advertisement -

    Fondo 1.6 Biyon no por termina manera Fondo Desaroyo Nobo San Nicolas

    *Compra tereno, encargo pa proyectonan y mucho mas ta misterio

    *DIARIO ta entrega Ministerio Publico texto oficial cu ta acusa Mike y Benny 

    ORANJESTAD (AAN) — Uno di e casonan penal mas pisa cu gobernacion di Aruba a conoce, tabata e caso Fondo Desaroyo Nobo San Nicolas, cu tabata basa riba acusacionnan di Algemene Rekenkamer Aruba contra e forma cu gobierno Henny Eman a atende cu placa di Aruba.

    Un investigacion profundo a wordo haci di loke a pasa pa a hiba e caso dilanti Hues. Den e caso contra Henny Eman como Ministro Presidente mes, autoridad no por a actua debi na e falta di cuentanan anual cu mester a demostra e acusacion.

    Ora Henny Eman a sali liber, Ministerio Publico a bay den apelacion di e sentencia di Hues mientras tres ministro a bay den apelacion pa nan condena.

    Esaki a encera cu Corte di Husticia mester a dicta sentencia despues cu e casonan mester a wordo trata den apelacion. Nunca e caso a bolbe Corte pasobra na un forma sumamente straño y misterioso, e caso a wordo termina di ambos banda.

    Mike Eman a haci su entrada den mundo politico. Na 2009 e mester a logra bira Ministro Presidente di Aruba y ta den e contexto di eleccion el a presenta e plan pa baha BBO cu mita, cu segun tur rapport experto lo a destrui Aruba.

    Esaki no tabata final di ruta pa destruccion financiero di Aruba cu a wordo registra den historia di Aruba y a causa intervencion Hulandes den gobernacion financiero di Aruba.

    Expertonan den nan materia a entrega DIARIO documentonan cu DIARIO semper a presenta na pueblo y e loke mester wordo entrega na pueblo pa pueblo comprende kico a pasa cu su placa y pa autoridad actua.

    Un cantidad enorme di Arubiano ta bou di e impresion, cu Ministerio Publico cu ta na haltura di e rapport oficial, mester atende e rapport aki y mester splica pueblo kico a pasa cu placa di pueblo.

    Cu informacion directo expertonan legal y sigur riba base di ley cu gobernantenan mester sigui, a duna DIARIO prueba pa a cuestiona na tanto ocasion pakico no ta investiga e proyecto Bo Aruba cu no ta algo di pasado, pasobra ta awor y den futuro Aruba mester paga debenan cu no por a wordo paga prome cu eleccion 2017 pasobra gobierno Mike Eman a crea e debenan pa pueblo paga awor y durante dos decada mas por lo menos.

    Manera a wordo mustra semper na DIARIO y manera cu prueba awor DIARIO ta entrega na autoridad, e rapport cu e controlado oficial di placa a traha, ta mustra con Gobierno di Mike Eman contra regla di Ley cu ta wordo menciona, a gasta placa di e fondo di 1.6 Biyon.

    “Rechtmatig” e palabra Hulandes pa legal, ta wordo presenta directamente den e documentonan di Algemene Rekenkamer Aruba cu ta acusa gobierno Mike Eman di no a tene su mes na ley.

    E ehecucion di e proyecto di Bo Aruba, tabata mucho mas cu gasta placa na forma excesivo. A cumpra tereno pa por a ehecuta e proyectonan, cu hasta tabata contradeci maneho di gobierno Mike Eman manera e proyectonan MFA.

    E rapport di acusacion cu a wordo sigui pa otro rapport mas na 2019, ta papia directamente di Mike Eman y Benny Sevinger a base di nan titulonan como Ministro Presidente y Minister di Infrastructura.

    Nan a kibra ley segun e rapport cu ta indica cu no a sigui reglanan legal, cu a wordo introduci pa proteha interes di Aruba y hasta preveni corupcion.

    DIARIO ta entrega awe na Aruba y na autoridad textonan cu ta prueba di e acusacion pisa di Algemene Rekenkamer Aruba contra Mike Eman y Benny Sevinger na Pueblo di Aruba pa pueblo mes husga si Arubianonan cu ta di opinion cu mester persigui gobierno anterior pa e proyecto “Bo Aruba” , tin rason.

    DIARIO a presenta pueblo e berdad di e proyecto Citgo, e berdad di e crisis financiero actual y ta presenta awe e berdad di e proyecto Bo Aruba den cual 1.6 Biyon di pueblo, cu bendicion di Miembronan di Parlamento di AVP, por a wordo gasto contra reglanan legal y a destrui futuro di Aruba.

    - Advertisement -

    DUNA COMENTARIO

    Please enter your comment!
    Please enter your name here