Home Gobierno Prome Minister ta extende palabranan di condolencia na un y famia di...

Prome Minister ta extende palabranan di condolencia na un y famia di señora Allison Mclean

191
0
SHARE
- Advertisement -

ORANJESTAD (AAN): Prome Minister Evelyn Wever-Croes den nomber di Gabinete Wever-Croes a extende palabranan di condolencia na famia di representante di UN Women, señora Allison McLean den un carta dirigi na Directora Ehecutivo di UN Women, señora Mlambo-Ngcuka.

   Señora McLean a fayece diadomingo anochi na e edad di 59 aña. señora Allison tabata Directora di UN Women di e Oficina Regional pa nos region den Caribe, cu cede na Barbados.

   Na November aña pasa, señora McLean tabata na Aruba pa representa UN Women pa firma un MoU di colaboracion pa sostene Aruba cu e desaroyo di un ‘gender policy’.

   A yega na palabracionnan concreto con UN  Women lo yuda Aruba cu un maneho di genero pa brinda mas proteccion y crea oportunidadnan igual pa e hende homber y hende muhe.

    Na Aruba tambe nos kier crea un plataforma na unda nos conoce igualdad y na unda derecho, responsabilidad y oportunidadnan ta wordo comparti door e ser masculino y femenino.

   Den su mensahe di profundo condolencia, Prome Minister a expresa cu tabata un placer di a conoce señora Allison McLean y a keda impresiona pa su conocemento y compromiso fuerte dirigi riba mas avance di igualdad di genero den e region di Caribe.

   E contribucion di señora Allison McLean pa igualdad di genero y e avance di hende muhe na Aruba y den Caribe sigur ta wordo aprecia y e trabou cu a wordo entama conhuntamente cu señora McLean lo continua. Cu señora Allison McLean sosega na paz.

- Advertisement -

DUNA COMENTARIO

Please enter your comment!
Please enter your name here